സാന്ഫ്രാന്സിസ്കോ: ഇലോൺ മസ്കിന്റെ ഉടമസ്ഥതയിലുള്ള മൈക്രോബ്ലോഗിങ് പ്ലാറ്റ്ഫോമായ ‘എക്സ്’ ഇന്ത്യയുൾപ്പടെ വിവിധ രാജ്യങ്ങളിൽ പണിമുടക്കി. എക്സ് ഉപയോക്താക്കൾക്ക് പേജ് ലോഡ് ചെയ്യാനും പോസ്റ്റു ചെയ്യാനും കഴിയുന്നില്ലെന്നാണ് ഓൺലൈൻ സേവനങ്ങൾ നിരീക്ഷിക്കുകയും സാങ്കേതിക തകരാറുകൾ ആഗോള തലത്തിൽ ട്രാക്ക് ചെയ്യുകയും ചെയ്യുന്ന ഡൗൺ ഡിറ്റക്ടറിന്റെ റിപ്പോർട്ട്.
ഇന്ത്യന് സമയം തിങ്കളാഴ്ച ഉച്ചകഴിഞ്ഞ് മൂന്നിനും രാത്രി ഒമ്പതിനും ഇടയിലാണ് യുഎസ്, ഇന്ത്യ, യുകെ, ഓസ്ട്രേലിയ, കാനഡ എന്നിവയുള്പ്പെടെ പ്രധാന രാജ്യങ്ങളിലെ ഉപയോക്താക്കൾക്ക് എക്സ് കിട്ടാതായത്. ലോകമെമ്പാടുമുള്ള 40,000ത്തിലധികം ഉപയോക്താക്കള് സേവന തടസങ്ങള് സംബന്ധിച്ച പരാതികള് റജിസ്റ്റര് ചെയ്തിട്ടുണ്ട്.
അതേസമയം എക്സിനെതിരെ തുടര്ച്ചയായി വമ്പന് ശക്തികള് ആഗോള തലത്തില് ആക്രമണം നടത്തുന്നെന്ന് ഇലോണ് മസ്ക് ആരോപിച്ചു. ഈ അതിക്രമത്തിന് പിന്നില് സംഘടിതമായ വലിയ ഏതെങ്കിലും ഗ്രൂപ്പോ അല്ലെങ്കില് രാജ്യമോ ഉണ്ടാവാന് സാധ്യതയുണ്ടെന്നും മസ്ക് പറഞ്ഞു. അക്രമണത്തിന് പിന്നില് ആരാണെന്ന് അന്വേഷിച്ച് വരികയാണെന്നും മസ്ക് പറഞ്ഞു.
<br>
TAGS : X PLATFORM | ELON MUSK
SUMMARY : X suffers global outage, thousands affected
