കൊച്ചി: മാസപ്പടി കേസിലെ എസ്എഫ്ഐഒ കുറ്റപത്രം കൊച്ചിയിലെ വിചാരണ കോടതിക്ക് കൈമാറി. എറണാകുളം ജില്ലാ കോടതിയുടെതാണ് നടപടി. എറണാകുളം ജില്ലാ കോടതിയാണ് നടപടി സ്വീകരിച്ചത്. സാമ്പത്തിക കുറ്റകൃത്യങ്ങള് പരിഗണിക്കുന്ന ജെ എഫ് എം സി കോടതിക്കാണ് കുറ്റപത്രം കൈമാറിയത്.
സാമ്പത്തിക കുറ്റകൃത്യങ്ങള്ക്കായുള്ള കേസുകള് പരിഗണിക്കുന്ന ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതി ഏഴിനാണ് ഫയല് കൈമാറിയത്. മാസപ്പടി കേസില് മുഖ്യമന്ത്രിയുടെ മകള് വീണ വിജയനെ പ്രതിചേര്ത്തുകൊണ്ടാണ് എസ്എഫ്ഐഒ കൊച്ചിയിലെ കോടതിയില് കുറ്റപത്രം സമര്പ്പിച്ചത്.
സേവനമൊന്നും നല്കാതെ വീണ വിജയന് 2.70 കോടി കൈപ്പറ്റിയെന്നാണ് എസ്എഫ്ഐഒ കണ്ടെത്തല്. സിഎംആര്എല്ലിന് പുറമെ എംപവര് ഇന്ത്യ എന്ന കമ്പനിയില് നിന്നും പണം എക്സാലോജികിലേക്ക് എത്തി. ശശിധരന് കര്ത്തയും ഭാര്യയുമാണ് എംപവര് ഇന്ത്യാ കമ്പനിയുടെ ഡയറക്ടര്മാര്.
പ്രതികള്ക്കെതിരെ കമ്പനികാര്യ ചട്ടം 447 വകുപ്പ് ചുമത്തി. ആറ് മാസം മുതല് 10 വര്ഷം വരെ തടവ് ശിക്ഷ കിട്ടാവുന്ന വകുപ്പാണിത്. വെട്ടിപ്പ് നടത്തിയ തുകയോ, അതിന്റെ മൂന്നിരട്ടിയോ പിഴയായും ചുമത്താമെന്നും വകുപ്പ് നിര്ദ്ദേശിക്കുന്നുണ്ട്.
TAGS : SFIO
SUMMARY : Monthly payment case; SFIO hands over charge sheet to trial court
