കുവൈറ്റില് നഴ്സുമാരായ മലയാളി ദമ്പതികളെ കുത്തേറ്റു മരിച്ച നിലയില് കണ്ടെത്തി. എറണാകുളം സ്വദേശികളായ സൂരജ്, ബിന്സി ദമ്പതികളാണ് മരിച്ചത്. അബ്ബാസിയയിലെ താമസ സ്ഥലത്താണ് ഇരുവരെയും മരിച്ചനിലയില് കണ്ടെത്തിയത്. മരണമടഞ്ഞ സൂരജ് ആരോഗ്യ മന്ത്രാലയത്തിലെയും ബിന്സി പ്രതിരോധ മന്ത്രാലയത്തിലെയും സ്റ്റാഫ് നഴ്സുമാരാണ്.
ഇരുവരും നൈറ്റ് ഡ്യൂട്ടി കഴിഞ്ഞ് രാവിലെ ഫ്ലാറ്റിലെത്തിയതാണെന്ന് സുഹൃത്തുക്കള് പറഞ്ഞു. ഓസ്ട്രേലിയയിലേക്ക് ജോലി മാറാനുള്ള നടപടികള് നടന്നുവരികയായിരുന്നു. ഇരുവരും വഴക്കിനെ തുടർന്ന് പരസ്പരം കുത്തിയതാണെന്നാണ് പ്രാഥമിക വിവരം. തമ്മില് തർക്കിക്കുന്നതും മറ്റും അയല്പക്കത്ത് താമസിക്കുന്നവർ കേട്ടതായി പറയുന്നു. കെട്ടിട കാവല്ക്കാരാണ് ഇരുവരെയും മരിച്ചുകിടക്കുന്ന നിലയില് കണ്ടെത്തിയത്.
ഇരുവരുടെയും കൈയില് കത്തിയുണ്ടായിരുന്നുവെന്നും വിവരമുണ്ട്. പോലീസും ഫൊറന്സിക് വിഭാഗവും സ്ഥലത്ത് എത്തി മറ്റു നടപടികള് സ്വീകരിച്ചു. രണ്ടു മക്കള് ആണ് ഇവര്ക്കുള്ളത്. ഇരുവരും നാട്ടില് ആണ്. പോലീസ് സ്ഥലത്ത് എത്തി തുടര് നടപടികള് സ്വീകരിച്ചു വരുന്നു. കൂടുതല് വിവരങ്ങള് ലഭ്യമായിട്ടില്ല.
TAGS : LATEST NEWS
SUMMARY : Malayali couple, nurses, found stabbed to death in Kuwait
WhatsApp
Telegram
