ബെംഗളൂരു : ദ്രാവിഡ ഭാഷാ ട്രാൻസ്‌ലറ്റേഴ്‌സ് അസോസിയേഷനും (ഡിബിടിഎ) വൈറ്റ്ഫീൽഡ് ശ്രീ സരസ്വതി എജുക്കേഷൻ ട്രസ്റ്റും ചേർന്ന് ‘ദ്രാവിഡ കാവ്യ വൈഭവം’ കവിയരങ്ങ് സംഘടിപ്പിച്ചു. പ്രസിഡൻസി യൂണിവേഴ്‌സിറ്റി കന്നഡ വിഭാഗം മേധാവിയും ഡിബിടിഎ ജോയിന്റ് സെക്രട്ടറിയുമായ ഡോ. മലർവിഴി ഉദ്ഘാടനം ചെയ്തു. ഡിബിടിഎ പ്രസിഡന്റ് ഡോ. സുഷമ ശങ്കർ അധ്യക്ഷത വഹിച്ചു.
എഴുത്തുകാരികളായ ഇന്ദിരാബാലൻ, കെ.ടി. ബ്രിജി എന്നിവർ മുഖ്യാതിഥികളായി. കന്നഡ പഠന കേന്ദ്രത്തിലെ പഠിതാക്കൾ അമ്മയെക്കുറിച്ച് കന്നഡ ഭാഷയിൽ കവിതകൾ ചൊല്ലി.
കൂടാതെ മലയാളം, തമിഴ്, തുളു, തെലുങ്ക് ഭാഷകളിലും കവിതകൾ അവതരിപ്പിച്ചു. ബി. ശങ്കർ, അർച്ചന, പി. ഗീത, രാധാ ജോർജ്, ജയപ്രസാദ്, നിഷാ രാജേഷ്, അഡ്വ. ഹരികൃഷ്ണൻ, ഷാനവാസ്, ദിവ്യാ പങ്കജ്, രേവതി പ്രമോദ്, ദീപാലോചന, ജയകുമാർ, പ്രൊഫ. വി.എസ്. രാകേഷ്, റെബിൻ രവീന്ദ്രൻ എന്നിവർ സംസാരിച്ചു. ഇന്ദിരാ ബാലനെ ചടങ്ങിൽ ആദരിച്ചു.
<BR>
TAGS : ART AND CULTURE
