ആലപ്പുഴ: ആലപ്പുഴയില്‍ മൂന്നംഗ സംഘം സഞ്ചരിച്ച കാർ കനാലിലേക്ക് മറിഞ്ഞ് യുവാവിന് ദാരുണാന്ത്യം. തത്തംപള്ളി സ്വദേശി ലിജോയ് ആന്റണി ആണ് മരിച്ചത്. പുന്നമട രാജീവ് ജെട്ടിയിലാണ് അപകടം. പുലർച്ചെ രണ്ട് മണിയോടെയായിരുന്നു അപകടമുണ്ടായത്. ബിജോയിയുടെ ജന്മദിനത്തില്‍ സുഹൃത്തുക്കള്‍ക്കൊപ്പം ആലപ്പുഴ ബോട്ട് ജെട്ടിക്ക് സമീപം ബസ് സ്റ്റാൻഡ് ഭാഗത്തേക്ക് ഭക്ഷണം കഴിക്കാനായി പോയവരാണ് അപകടത്തില്‍പ്പെട്ടത്.
വാഹനം ഓടിച്ചിരുന്നത് ബിജോയ് ആയിരുന്നു. അപകടം സംഭവിച്ചതോടെ സുഹൃത്തുക്കള്‍ രണ്ട് പേരും നീന്തി രക്ഷപ്പെട്ടിരുന്നു. മാരുതി സ്വിഫ്‌ട് കാർ ആണ് അപകടത്തില്‍പ്പെട്ടത്. ഫയർഫോഴ്‌സ് എത്തിയാണ് ബിജോയിയെ കാറില്‍ നിന്ന് പുറത്തെത്തിച്ചത്. തുടർന്ന് ആലപ്പുഴ ജനറല്‍ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.
SUMMARY: Youth dies after car falls into canal in Alappuzha
