മണാലി: മണാലിയില്‍ 12 വയസ്സുകാരിക്ക് സിപ് ലൈൻ യാത്രക്കിടെ താഴെ വീണ് ഗുരുതര പരുക്കേറ്റു. നാഗ്പൂർ സ്വദേശിയായ പ്രഫുല്ല ബിജ്‌വെയുടെ മകള്‍ തൃഷ ബിജ്വെ ഗുരുതര പരുക്കുകളോടെ ആശുപത്രിയില്‍ ചികിത്സയിലാണ്. സിപ് ലൈനുമായി ബന്ധിപ്പിച്ചിരുന്ന കയർ പൊട്ടിയതാണ് അപകടത്തിന് കാരണം.
അപകടത്തിന്റെ ദൃശ്യങ്ങള്‍ സാമൂഹ്യ മാധ്യമങ്ങളില്‍ പ്രചരിക്കുകയും ചെയ്തു. പരുക്കേറ്റ പെണ്‍കുട്ടി കഴിഞ്ഞ ദിവസങ്ങളില്‍ ശസ്ത്രക്രിയക്ക് വിധേയമായതായും ആരോഗ്യ സ്ഥിതി മെച്ചപ്പെട്ടതായും പിതാവ് പ്രഭുല്‍ ബിജ്വെ അറിയിച്ചു. അപകടസ്ഥലത്ത് മതിയായ സുരക്ഷാ നടപടികള്‍ ഉണ്ടായിരുന്നില്ലെന്നും അപകടത്തിന് ശേഷം തല്‍ക്ഷണ സഹായം ലഭിച്ചില്ലെന്നും കുടുംബം ആരോപിച്ചു.
SUMMARY : 12-year-old girl seriously injured after falling 30 feet from zip line
