ന്യൂഡൽഹി: പര്വതാരോഹണത്തിനിടെ കുടുങ്ങിയ മലയാളിയായ പര്വ്വതാരോഹകനെ രക്ഷപെടുത്തി. വടക്കേ അമേരിക്കയിലെ ദനാലി പര്വതത്തില് കുടുങ്ങിയ ഷെയ്ഖ് ഹസന് ഖാനെയാണ് പ്രത്യേക സംഘം രക്ഷപെടുത്തിയത്. വടക്കെ അമേരിക്കയിലെ ഡെനാനി പര്വതത്തിലാണ് ഷെയ്ഖ് ഹസന് ഖാന് കുടുങ്ങിയത്. ശക്തമായ കാറ്റിനെത്തുടര്ന്നാണ് ദെനാലിയുടെ ക്യാമ്പ് 5ല് കുടുങ്ങിയത്.
പരിമിതമായ ഭക്ഷണവും വെള്ളവും മാത്രമാണ് ഉള്ളതെന്നായിരുന്നു ഷെയ്ഖിന്റെ സന്ദേശം. സമുദ്രനിരപ്പില് നിന്ന് 17000 അടി ഉയരത്തിലാണ് ഹസന് കുടുങ്ങികിടന്നത്. ദനാലി ബേസ് ക്യാമ്പിലേയ്ക്ക് ഷേക്കിനെ ഉടന് എത്തിക്കും. ധനവകുപ്പിലെ ഉദ്യോഗസ്ഥനായ ഷേക്കിനെ രക്ഷപെടുത്താന് ധനമന്ത്രി കെ എന് ബാലഗോപാലും കേന്ദ്രമന്ത്രി ജോര്ജ് കുര്യനും ഇടപെട്ടിരുന്നു.
മലയാളി പര്വതാരോഹകനെ രക്ഷപ്പെടുത്താന് ഇടപെടണമെന്ന് ആവശ്യപ്പെട്ട് മുഖ്യമന്ത്രി പ്രധാനമന്ത്രിക്ക് കത്തയച്ചിരുന്നു. അതിനിടെ, പർവതാരോഹകൻ ഷെയ്ഖ് ഹസന് ഖാനെ തിരിച്ചെത്തിക്കാൻ ഇടപെടണമെന്ന് ആവശ്യപ്പെട്ട് ഡോ ശശി തരൂർ എംപി വിദേശകാര്യ മന്ത്രിക്ക് കത്തയച്ചു. എവറസ്റ്റ് കൊടുമുടിയടക്കം കീഴടക്കി വാർത്തകളില് ഇടം പിടിച്ച ഷെയ്ക് ഹസൻ ഖാൻ ധനകാര്യ വകുപ്പില് സെക്ഷൻ ഓഫീസറാണ്.
SUMMARY: Malayali mountaineer trapped on Mount Denali rescued
WhatsApp
Telegram
