മലപ്പുറം: എല്ഡിഎഫ് ഭരണത്തിന്റെ വിലയിരുത്തലാണ് ഈ തിരഞ്ഞെടുപ്പ് ഫലമെന്ന് കരുതുന്നില്ലെന്ന് എം.സ്വരാജ്. എല്ഡിഎഫ് ഉയര്ത്തിയ വിഷയങ്ങളില് ജനങ്ങള്ക്ക് തെറ്റിദ്ധാരണ ഉണ്ടായിട്ടുണ്ടോ എന്ന് പരിശോധിക്കുമെന്ന് അദ്ദേഹം പറഞ്ഞു. മണ്ഡലത്തില് പൊതുവെ തിരിച്ചടിയാണ് ഉണ്ടായിട്ടുള്ളത്. പ്രതീക്ഷക്ക് അനുസരിച്ചുള്ള പ്രകടനം നടത്താനായിട്ടില്ലെന്നും എം സ്വരാജ് പറഞ്ഞു.
ഇടതുപക്ഷം മുന്നോട്ടുവെച്ച ഒരു രാഷ്ട്രീയ നിലപാടുമായി തിരഞ്ഞെടുപ്പില് മുന്നോട്ടുപോകാനായി. ജനങ്ങളുടെ പ്രശ്നങ്ങള് മാത്രമാണ് മുന്നോട്ടുവെച്ചത്. തിരിച്ചടി നേരിട്ടെങ്കിലും എനിക്ക് ഞാനായി തന്നെ ഈ തിരഞ്ഞെടുപ്പില് മത്സരിക്കാനായി. ഒരു വര്ഗീയ വാദിയുടെയും പിന്തുണ ഒരു കാലത്തും ഇടതുപക്ഷത്തിന് ആവശ്യമില്ല. വിജയിയായ ആര്യാടൻ ഷൗക്കത്തിന് എല്ലാ അഭിനന്ദനം അറിയിക്കുകയാണ്. ഇനി കുറഞ്ഞ കാലമാണെങ്കിലും മികച്ച നിലയില് എംഎല്എ ആയി പ്രവര്ത്തിക്കാനാകട്ടെയെന്ന് ആശംസിക്കുകയാണെന്നും അദ്ദേഹം പറഞ്ഞു.
ജനങ്ങളെ ബാധിക്കുന്ന പ്രശ്നങ്ങളാണ് എല്ലായിപ്പോഴും ഉയര്ത്തിപ്പിടിക്കാൻ ശ്രമിച്ചത്. എതിര്ക്കുന്നവര് വിവാദങ്ങള് ഉയര്ത്തികൊണ്ടുവരാൻ ശ്രമിച്ചെങ്കിലും അതൊന്നും ഞങ്ങളെ ബാധിച്ചില്ല. വരും ദിവസങ്ങളില് പരാജയത്തിന്റെ കാരണങ്ങള് പരിശോധിക്കും. ജനങ്ങളെ ബോധ്യപ്പെടുത്തേണ്ട കാര്യങ്ങള് ബോധ്യപ്പെടുത്തും. കൂടുതല് കരുത്തോടെ പാഠങ്ങള് ഉള്ക്കൊണ്ട് മുന്നോട്ടുപോകും.
തോല്വിയില് പല തരത്തിലുള്ള വിലയിരുത്തലുകളുണ്ടാകും. ഭരണത്തിന്റെ വിലയിരുത്തലാണെന്ന് പറഞ്ഞാല് സര്ക്കാര് കൊണ്ടുവന്ന മാറ്റങ്ങളെയൊക്കെ ജനം എതിര്ക്കുന്നുവെന്ന തെറ്റായ വിലയിരുത്തലുണ്ടാകും. അതിനാല് തന്നെ തിരഞ്ഞെടുപ്പ് ഫലം ഭരണവിരുദ്ധ വികാരമെന്ന് വിലയിരുത്താനാകില്ലെന്നും എം സ്വരാജ് പറഞ്ഞു.
SUMMARY: ‘We will move forward by learning the lessons of defeat’; M Swaraj responds
WhatsApp
Telegram
