ബെംഗളൂരു: നഗരത്തിലെ 24 തടാകങ്ങൾ നവീകരിക്കാൻ ബിബിഎംപി 50 കോടി രൂപ അനുവദിച്ചു. കാൽകെരെ തടാകത്തിനാണ് കൂടുതൽ തുക അനുവദിച്ചത്. 10 കോടി രൂപ. കച്ചറനഹള്ളി തടാകത്തിനു 3.5 കോടി രൂപയും ലഭിക്കും. വെള്ളക്കെട്ട് പ്രശ്നം രൂക്ഷമായ സിദ്ധാപുര തടാകത്തിൽ മഴവെള്ളക്കനാലും ഓടയും ഉൾപ്പെടെ നിർമിക്കാൻ 1.75 കോടി രൂപ നൽകും. ദൊഡ്ഡബിദരക്കല്ല് തടാകത്തിൽ മലിനജലം കലരാതിരിക്കാൻ സംവിധാനം ഒരുക്കാൻ 3 കോടി രൂപയും ചെലവഴിക്കും.
ചൊക്കനഹള്ളി, ജക്കൂർ, സിങ്കാപുര, ശിവപുര, അബ്ബിഗെരെ, സീഗേഹള്ളി, ഗുഞ്ചുർ പാളയ, പനത്തൂർ, ദൊഡ്ഡനകുണ്ഡി ഉൾപ്പെടെ തടാകങ്ങളും നവീകരിക്കും.
കയ്യേറ്റം രൂക്ഷമായ വർത്തൂർ തടാകത്തിന്റെ പരിപാലന ചുമതല ഏറ്റെടുക്കാൻ ബിബിഎംപിയോടു ബെംഗളൂരു വികസന അതോറിറ്റി(ബിഡിഎ) ആവശ്യപ്പെട്ടു. ബലന്ദൂർ തടാകത്തിന്റെ നവീകരണം പൂർത്തായായതായും ഉടൻ ബിബിഎംപിക്കു കൈമാറുമെന്നും ബിഡിഎ അറിയിച്ചിട്ടുണ്ട്.
SUMMARY: BBMP allocates Rs 50 crore to develop 24 lakes
WhatsApp
Telegram
