ബെംഗളൂരു: കർണാടകയിൽ പ്രത്യേക വോട്ടർപട്ടിക പരിഷ്കരണം ഈമാസം അവസാനത്തോടെ ആരംഭിക്കും. ഇതിനുമുന്നോടിയായി ബിഎൽഒമാർക്ക്‌ പരിശീലനം നൽകിത്തുടങ്ങി. അടുത്ത ആഴ്ചയോടെ ഇത് പൂർത്തിയാക്കും. വീടുകൾ കയറി വിവരങ്ങൾ ശേഖരിച്ച് ഇതിന്റെ അടിസ്ഥാനത്തിൽ വോട്ടർപട്ടിക പരിഷ്കരിക്കും. 58,000 ബിഎൽഒമാരെയാണ് വോട്ടർപട്ടിക പരിഷ്കരണത്തിനായി നിയോഗിച്ചിട്ടുണ്ട്.
വിവരങ്ങൾ ശേഖരിച്ചു പരിശോധിച്ചതിനുശേഷം വീട്ടുകാരുടെ ഒപ്പും സ്വീകരിക്കും. അങ്കണവാടി-സ്കൂൾ അധ്യാപകർ, കേന്ദ്ര-സംസ്ഥാന സർക്കാർ ജീവനക്കാർ എന്നിവരെയാണ് ബിഎൽഒമാരായി നിയോഗിച്ചിരിക്കുന്നത്. 2002-ലാണ് സംസ്ഥാനത്ത് ഇതിനുമുൻപ് വോട്ടർപ്പട്ടിക പരിഷ്കരണം നടത്തിയത്. അന്ന് 3.5 കോടി വോട്ടർമാരുണ്ടായിരുന്ന സ്ഥാനത്ത് ഇപ്പോൾ 5.5 കോടി വോട്ടർമാരുണ്ട്.
SUMMARY: Voter list revision this month
