ബെംഗളൂരു: കേരളസമാജം ദൂരവാണിനഗര്‍ ഓണാഘോഷം 27, 28 തിയ്യതികളിൽ വിജിനപുര ജൂബിലി സ്കൂള്‍, എൻആർഐ ലേ ഔട്ട് ജൂബിലി ഇംഗ്ലീഷ് ഹൈസ്കൂള്‍ എന്നിവിടങ്ങളിലായി നടക്കും. 27-ന് നടക്കുന്ന സാഹിത്യ സംവാദത്തിൽ സാഹിത്യകാരന്മാരായ ജി.ആർ. ഇന്ദുഗോപൻ, വീരാൻകുട്ടി എന്നിവർ പങ്കെടുക്കും. വിജിനപുര ജൂബിലി സ്കൂളിൽ വൈകിട്ട് നാലിനാണ് പരിപാടി.
28-ന് എൻആർഐ ലേ ഔട്ട് ജൂബിലി ഇംഗ്ലീഷ് ഹൈസ്കൂളിൽ രാവിലെ 10-ന് ജൂബിലി കോളേജ് വിദ്യാർഥിനികളുടെ മെഗാ തിരുവാതിര അരങ്ങേറും. തുടർന്ന് വിവിധ കലാപരിപാടികള്‍ നടക്കും. ഉച്ചക്ക് 12 മുതൽ ഓണസദ്യ. മൂന്നിന് പൊതുസമ്മേളനത്തിൽ ഗതാഗതമന്ത്രി രാമലിംഗ റെഡ്ഡി, ബി.എ. ബൈരതി ബസവരാജ് എംഎൽഎ, കന്നഡ ചലച്ചിത്ര താരം പ്രൊഫ. ലക്ഷ്മി ചന്ദ്രശേഖർ, ജി.ആർ. ഇന്ദുഗോപൻ, വീരാൻകുട്ടി എന്നിവർ മുഖ്യാതിഥികളാകും. ജൂബിലി വിദ്യാഭ്യാസ സ്ഥാപനങ്ങളിലെ ഉന്നത വിജയം നേടിയ വിദ്യാർഥികൾക്കും കലാ സാഹിത്യ മത്സരത്തിലെ വിജയികൾക്കും സമ്മാന വിതരണം നടക്കും. 6.30 മുതൽ 9.30 വരെ രഞ്ജിനി ജോസ്, ബൽറാം, റിതുരാജ്, ബാസിൽ, ദേവപ്രിയ, വയലിൻ ഫ്യൂഷണിസ്റ്റ് വിഷ്ണു അശോക് എന്നിവർ നയിക്കുന്ന ഗാനമേള അരങ്ങേറും.
SUMMARY: Kerala Samajam Duravaninagar Onagosham on 27th and 28th
