പത്തനംതിട്ട: ശബരിമല ശ്രീ കോവിലിന് മുന്നിലെ ദ്വാരപാലക ശില്പങ്ങളിലെ സ്വർണ്ണം പൂശിയ പാളികള് ഒക്ടോബർ 17 ന് പുനസ്ഥാപിക്കും. സ്വര്ണ്ണം പൂശിയ പാളി പുനസ്ഥാപിക്കാനായുള്ള ഹൈക്കോടതി അനുമതിയും താന്ത്രിക അനുമതിയും ലഭിച്ചതോടെയാണ് പാളികള് പുനസ്ഥാപിക്കാൻ തിരുവിതാംകൂർ ദേവസ്വം ബോർഡ് തീരുമാനിച്ചത്.
തിരുവാഭരണം കമ്മീഷണറുടെ നേതൃത്വത്തില് നടപടിക്രമങ്ങളെല്ലാം വീഡിയോയില് ചിത്രീകരിച്ചാണ് സ്വർണ്ണം പൂശിയ പാളികള് ചെന്നൈയിലെ സ്ഥാപനത്തിലേക്ക് കേടുപാടുകള് പരിഹരിക്കാനായി കൊണ്ടു പോയത്. അറ്റകുറ്റ പണികള്ക്ക് ശേഷം സന്നിധാനത്ത് എത്തിച്ച സ്വർണ്ണം പൂശിയ പാളികള് ശബരിമല സന്നിധാനത്തെ സ്ട്രോങ്ങ് റൂമില് സൂക്ഷിച്ചിരിക്കുകയാണ്.
തുലാമാസ പൂജകള്ക്കായി ഒക്ടോബർ 17 ന് നട തുറന്ന ശേഷമാകും സ്വർണ്ണം പൂശിയ പാളികള് ദ്വാരപാലക ശില്പങ്ങളില് പുനസ്ഥാപിക്കുന്നത്. ശ്രീ കോവിലിന്റെ വാതിലുകളുടെയും കമാനത്തിന്റെയും അറ്റകുറ്റപ്പണി നടത്തുന്നതിനുള്ള നടപടികള്ക്കും ഹൈക്കോടതി അനുമതി നല്കിയിട്ടുണ്ട്.
SUMMARY: The gold-plated layers on the Dwarpalaka sculptures will be restored on October 17th.
