ഇടുക്കി: മൂന്നാറിലെ കെഎസ്‌ആർടിസി ഡബിള്‍ ഡെക്കർ ബസില്‍ പണം വാങ്ങിയ ശേഷം ടിക്കറ്റ് നല്‍കാതിരുന്ന സംഭവത്തില്‍ കണ്ടക്ടർക്ക് സസ്‌പെൻഷൻ. ഡ്രൈവർ കം കണ്ടക്ടറായ പ്രിൻസ് ചാക്കോയെയാണ് സസ്‌പെൻഡ് ചെയ്തത്. യാത്രക്കാരില്‍ നിന്നും പണം വാങ്ങിയശേഷം ടിക്കറ്റ് നല്‍കുന്നില്ലെന്ന് വേഷംമാറിയെത്തിയ വിജിലൻസ് സംഘം കണ്ടതിനെത്തുടർന്ന് ഇയാളെ അറസ്റ്റ് ചെയ്തിരുന്നു.
സെപ്റ്റംബർ 27 ശനിയാഴ്ച വൈകുന്നേരത്തോടെയാണ് സംഭവം. മൂന്നാറില്‍ നിന്നും ചിന്നക്കനാലിലേക്കുള്ള യാത്രക്കിടെ വേഷം മാറി ബസില്‍ കയറിയ വിജിലൻസ് ഉദ്യോഗസ്ഥരാണ് തട്ടിപ്പ് കണ്ടെത്തിയത്. യാത്രക്കാരനില്‍ നിന്നും ടിക്കറ്റ് തുക വാങ്ങിയ ചാക്കോ ടിക്കറ്റ് നല്‍കിയില്ല. ഇതിനെ തുടർന്നാണ് അറസ്റ്റ്. ഇയാള്‍ മുമ്പും സമാന രീതിയില്‍ പണം വാങ്ങിയതായി പരാതികളുണ്ട്.
SUMMARY: Ticket fraud in KSRTC double-decker bus in Munnar; Conductor suspended
