ബെംഗളൂരു: കേരളസമാജം ബെംഗളൂരു സൗത്ത് വെസ്റ്റ് ഓണാഘോഷ പരിപാടി ഓണാരവം-2025 സമാപിച്ചു. സമാപന സമ്മേളനം വിജയനഗര് എം.എല്.എ എം. കൃഷ്ണപ്പ ഉദ്ഘാടനം ചെയ്തു. പ്രസിഡന്റ് അഡ്വ. പ്രമോദ് വരപ്രത്ത് ആധ്യക്ഷം വഹിച്ചു. വിശിഷ്ടാതിഥികളായി പങ്കെടുത്ത സിനിമാ താരം കൈലാഷ്, കവിയും പ്രഭാഷകനുമായ ആലങ്കോട് ലീലാകൃഷ്ണന്, യശ്വന്തപൂര എംഎല്എ. എസ്. ടി. സോമശേഖര, സാമൂഹ്യപ്രവര്ത്തക അനുപമ പഞ്ചാക്ഷരി, സമാജം സെക്രട്ടറി സതീഷ് തോട്ടശ്ശേരി, ട്രഷറര് അരവിന്ദാക്ഷന് പി.കെ. എന്നിവര് സംസാരിച്ചു. സമാജം ഉപസമിതി കണ്വീനര്മാരായ നിരജ്ഞന്, ജോളി പ്രദീപ്, കൃഷ്ണ പിള്ള, റിയ ടി കുര്യന് എന്നിവര് പങ്കെടുത്തു.
എസ്എസ്എല്സി, പി.യു.സി പരീക്ഷകളില് ഉന്നത വിജയം നേടിയവര്ക്ക് എന്ഡോവ്മെന്റ് ക്യാഷ് അവാര്ഡുകള് നല്കി. പൂക്കള മല്സരം, കലാ കായിക മല്സരങ്ങള് എന്നിവയില് വിജയികളായവര്ക്ക് സമ്മാന ദാനം നടത്തി. വിവിധ മേഘലകളില് വിശിഷ്ട സേവനങ്ങള് നടത്തിവരുന്നവര്ക്കുള്ള ആദരം, ചെണ്ടമേളം, സമാജം അംഗങ്ങള് അവതരിപ്പിച്ച കേരള ദര്ശനം, തിരുവാതിര, ഒപ്പന, മോഹിനിയാട്ടം, ഭരതനാട്യം, സിനിമാറ്റിക് നൃത്തങ്ങള്, ഓണസദ്യ എന്നിവയും ഉണ്ടായിരുന്നു. സിനിമാ പിന്നണി ഗായകന് ലിബിന് സ്കറിയ, ഇന്ത്യന് വോയ്സ് ഫെയിം ലിധി, ടോപ് സിംഗര് താരം ആയുശ്രീ വാര്യര്, ചാനല് താരങ്ങളായ സുബിന്, അജിത്, മനീഷ, മ്യൂസിക്കല് ഫ്യൂഷനുമായി ചാനല് താരം ബിനു എന്നിവര് പങ്കെടുത്ത കോഴിക്കോട് റെഡ് ഐഡിയാസ് അവതരിപ്പിച്ച മെഗാ ഗാനമേളയും അരങ്ങേറി.
SUMMARY: Kerala Samajam Bengaluru South West Onaravam -2025 concluded
