തിരുവനന്തപുരം: നാലുദിവസത്തെ സന്ദര്ശനത്തിനായി രാഷ്ട്രപതി ദ്രൗപദി മുര്മു കേരളത്തിലെത്തി. വൈകീട്ട് 6.20 ഓടെയാണ് രാഷ്ട്രപതി തിരുവനന്തപുരം വിമാനത്താവളത്തിലെത്തിയത്. രാജ്ഭവനിലാണ് ഇന്ന് താമസം. ബുധനാഴ്ച 9.35-ന് തിരുവനന്തപുരം വിമാനത്താവളത്തില്നിന്ന് ഹെലികോപ്റ്ററില് നിലയ്ക്കലിലേക്ക് പോകും. റോഡ് മാര്ഗം പമ്പയിലെത്തും.
തുടര്ന്ന് പ്രത്യേക വാഹനത്തില് സന്നിധാനത്തും. ശബരിമല ദര്ശനത്തിനുശേഷം രാത്രി തിരുവനന്തപുരത്ത് തിരിച്ചെത്തും. ഹോട്ടല് ഹയാത്ത് റീജന്സിയില് ഗവര്ണര് രാജേന്ദ്രവിശ്വനാഥ ആര്ലേക്കര് നല്കുന്ന അത്താഴവിരുന്നില് പങ്കെടുക്കും.
23ന് -10.30ന് രാജ്ഭവനില് മുന് രാഷ്ട്രപതി കെ.ആര്. നാരായണന്റെ പ്രതിമ അനാച്ഛാദനം ചെയ്യും. 12.50ന് ശിവഗിരിയില് ശ്രീനാരായണ ഗുരുമഹാസമാധി സമ്മേളനം ഉദ്ഘാടനം ചെയ്യും. തുടര്ന്ന് പാലാ സെയ്ന്റ്തോമസ് കോളേജിലെ പ്ലാറ്റിനം ജൂബിലി ആഘോഷത്തില് പങ്കെടുക്കും. അന്ന് കുമരകത്താണ് താമസം. 24ന് എറണാകുളം സെയ്ന്റ്തേരാസസ് കോളേജിലെ ചടങ്ങില് പങ്കെടുത്തശേഷം ഡല്ഹിക്ക് മടങ്ങും.
SUMMARY: President Draupadi Murmu arrives in Kerala, will be in Sabarimala tomorrow
WhatsApp
Telegram
