ബെംഗളൂരു: തെക്കന് ബെംഗളൂരുവിലെ ഉത്തരഹള്ളിയില് വയോധികയെ വീട്ടില് കൊല്ലപ്പെട്ട നിലയില് കണ്ടെത്തി. അശ്വത് നാരായണന്റെ ഭാര്യ ശ്രീലക്ഷ്മി (65) ആണ് മരിച്ചത്. അശ്വത് നാരായണ് ഇന്നലെ രാവിലെ 9.30 ഓടെ ജോലിക്ക് പോയിരുന്നതായി ഒരു മുതിര്ന്ന പോലീസ് ഉദ്യോഗസ്ഥന് പറഞ്ഞു. ഉച്ചയ്ക്ക് 2.15 ഭാര്യയെ ഫോണില് ബന്ധപ്പെടാന് ശ്രമിച്ചെങ്കിലും ഫോണ് എടുത്തില്ല. വൈകുന്നേരം 5.30 ഓടെ വാടകക്കാരനായ രാജിനെ വിളിച്ച് അന്വേഷിക്കാന് ആവശ്യപ്പെട്ടു. രാജ് എത്തിയപ്പോള് ശ്രീലക്ഷ്മിയെ തറയില് ബോധരഹിതയായി കിടക്കുന്നത് കണ്ടു.
അശ്വത് നാരായണ് വീട്ടിലെത്തിയപ്പോള് ഭാര്യയുടെ കഴുത്തിലും ചുണ്ടിലും മുഖത്തും മുറിവുകള് കണ്ടെത്തി. കഴുത്തിലുള്ള സ്വര്ണ മാലയും കവര്ന്നിരുന്നു. അദ്ദേഹം സുബ്രഹ്മണ്യപുര പോലീസില് വിവരം അറിയിച്ചു. ശ്രീലക്ഷ്മിയുടെ വീട്ടുകാര്ക്ക് പരിചയമുള്ള ഒരാള് വീട്ടില് കയറി കഴുത്തു ഞെരിച്ച് കൊലപ്പെടുത്തിയ ശേഷം മാലയുമായി രക്ഷപ്പെട്ടിരിക്കാമെന്ന് പോലീസ് സംശയിക്കുന്നു.
SUMMARY: elderly woman found Murderd at home
