ട്യൂഷന് പോകുന്നതിനിടെ വാഹനാപകടം; പത്താം ക്ലാസ്സ്‌ വിദ്യാര്‍ഥിനിക്ക് ദാരുണാന്ത്യം

കാസറഗോഡ്: സ്‌കൂട്ടർ നിയന്ത്രണം വിട്ടുണ്ടായ അപകടത്തില്‍ പത്താം ക്ലാസ്സ്‌ വിദ്യാർഥിനിക്ക് ദാരുണാന്ത്യം. കാസറഗോഡ് കുമ്പളയിലാണ് സംഭവം. ബംബ്രാണ ചൂരിത്തടുക്കയില്‍ റസാഖ് – റംസീന ദമ്പതികളുടെ മകള്‍ റിസ്വാനയാണ് മരിച്ചത്. 15 വയസായിരുന്നു.

റിസ്വാനയും കൂട്ടുകാരിയും ചേർന്ന് സ്‌കൂട്ടറില്‍ ട്യൂഷന് പോവുകയായിരുന്നു. ഇതിനിടെ വാഹനം നിയന്ത്രണം വിടുകയായിരുന്നു. ഉടൻ തന്നെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.

SUMMARY: Class 10 student dies in car accident while going to tuition