അങ്കാറ: ലിബിയന് സൈനിക മേധാവി ജനറല് മുഹമ്മദ് അലി അഹ്മദ് അല് ഹാദദും നാല് ഉന്നത ഉദ്യോഗസ്ഥരുമടക്കം 8 പേര് വിമാനാപകടത്തില് കൊല്ലപ്പെട്ടു. തുര്ക്കിയുടെ തലസ്ഥാനമായ അങ്കാരയില് നിന്ന് സ്വകാര്യ വിമാനം പറന്നുയര്ന്നതിന് പിന്നാലെയാണ് അപകടമുണ്ടായത്. എസന്ബോഗ വിമാനത്താവളത്തില്നിന്ന് ഇന്നലെ രാത്രി 8.10ന് പറന്നുയര്ന്ന വിമാനം അരമണിക്കൂറിനകം തകര്ന്നു വീഴുകയായിരുന്നു.വിമാനത്തിലുണ്ടായിരുന്ന എല്ലാവരും കൊല്ലപ്പെട്ടു.
ഇതിൽ ലിബിയൻ സൈന്യത്തിലെ ഉന്നത റാങ്കിലുള്ള നാല് സൈനിക ഉദ്യോഗസ്ഥരും മൂന്ന് വിമാന ജീവനക്കാരും ഉൾപ്പെടും. വിമാനാപകടത്തിൽ അന്വേഷണം നടക്കുകയാണെന്നും അട്ടിമറിയുണ്ടായെന്ന് പ്രതീക്ഷിക്കുന്നില്ലെന്ന് തുർക്കിയ അധികൃതർ അറിയിച്ചു. സാങ്കേതിക തകരാറാണ് വിമാനം തകർന്നുവീഴാൻ കാരണമെന്നാണ് തുർക്കിയയുടെ വിശദീകരണം.
തുര്ക്കിയും ലിബിയയും തമ്മിലുള്ള പ്രതിരോധ സഹകരണം മെച്ചപ്പെടുത്തുന്നതുമായി ബന്ധപ്പെട്ടുള്ള ചര്ച്ചകള്ക്കായിരുന്നു അല് ഹാദദ് തുര്ക്കിയിലെത്തിയത്. വിമാനത്തിലുണ്ടായിരുന്ന എല്ലാവരും മരിച്ചതായി ലിബിയന് പ്രധാനമന്ത്രി അബ്ദുല് ഹമീദ് ദബൈബ പ്രസ്താവനയില് അറിയിച്ചു. ഹാദദിന്റെ വിയോഗം രാജ്യത്തിന് വലിയ നഷ്ടമാണെന്നും ദബൈബ പറഞ്ഞു. ഭിന്നിച്ചു നില്ക്കുന്ന ലിബിയന് സൈന്യത്തെ ഒന്നിപ്പിക്കാന് യുഎന്നിന്റെ മധ്യസ്ഥതയില് നടക്കുന്ന ശ്രമങ്ങളുടെ കേന്ദ്ര ബിന്ദുവായിരുന്നു ഹാദദ്.
SUMMARY: Libyan military chief killed in plane crash after takeoff
