ബെംഗളൂരു: നഗരത്തില്‍ കബൺപാർക്കിനും ലാൽബാഗിനും സമാനമായി മറ്റൊരു പാർക്കുകൂടി വരുന്നു. യെലഹങ്കയ്ക്ക് സമീപം 153 ഏക്കർ വിസ്തൃതിയിൽ ജൈവവൈവിധ്യ പാർക്ക് നിർമിക്കാനുള്ള പദ്ധതിക്ക് സർക്കാർ അനുമതി നൽകി. വിശ്വഗുരു ബസവണ്ണ ജൈവവൈവിധ്യ പാർക്ക് എന്ന് പേരില്‍ നിര്‍മിക്കുന്ന പാര്‍ക്കിന്റെ മൊത്തം നിര്‍മാണ ചിലവ് 250 കോടി രൂപയാണ്. പ്രാരംഭ ചെലവുകൾക്കായി സര്‍ക്കാര്‍ 50 കോടി രൂപ അനുവദിച്ചു. മൂന്ന് വർഷത്തിനുള്ളിൽ നിര്‍മാണം പൂർത്തിയാക്കുന്ന പാര്‍ക്കില്‍ ഔഷധ സസ്യങ്ങൾ, പക്ഷി സങ്കേതം, ട്രീ പാർക്ക് എന്നിവ ഉണ്ടാകും.
ബെംഗളൂരുവിലെ ആദ്യ സസ്യോദ്യാനമായ ലാൽബാഗ് 1760 ലാണ് സ്ഥാപിച്ചത്. ആകെ വിസ്തൃതി 240 ഏക്കറാണ്. 194 ഏക്കറില്‍ വ്യാപിച്ചുകിടക്കുന്ന കബ്ബൺ പാർക്ക് ആരംഭിച്ചത് 1870 ൽ ആണ്.
SUMMARY: A 153-acre biodiversity park similar to Cubbon Park and Lalbagh is coming up in Bengaluru
