ഓടിക്കൊണ്ടിരുന്ന കെഎസ്‌ആര്‍ടിസി ബസിന് തീപ്പിടിച്ചു

എറണാകുളം: കോതമംഗലം ഡിപ്പോയില്‍നിന്ന് തിരുവനന്തപുരത്തേക്ക് പോവുകയായിരുന്ന കെഎസ്‌ആർടിസി ബസിന് തീപ്പിടിച്ചു. എംസി റോഡില്‍ വട്ടപ്പാറ വേറ്റിനാടുവെച്ചാണ് അപകടം നടന്നത്. എൻജിനില്‍ ഉണ്ടായ ഷോർട്ട് സർക്യൂട്ടാണ് അപകടത്തിനു കാരണമെന്നാണ് പ്രാഥമിക നിഗമനം.

ഓടിക്കൊണ്ടരുന്ന ബസില്‍ ഗിയർ മാറുന്ന സമയത്ത് കൈയില്‍ ചൂടടിച്ചതിനെ തുടർന്ന് ഡ്രൈവർ നടത്തിയ പരിശോധനയിലാണ് വണ്ടിയില്‍ തീ പിടിച്ചതായി മനസ്സിലാക്കിയത്. ബസ്സില്‍ ഉണ്ടായിരുന്ന ഫയർഫോഴ്സ് ഉദ്യോഗസ്ഥന്റെ ഇടപെടലില്‍ അഗ്നിരക്ഷാ ഉപകരണം ഉപയോഗിച്ച്‌ തീ കെടുത്തിയതിനാല്‍ വൻ അപകടമാണ് ഒഴിവായത്.

SUMMARY: A running KSRTC bus caught fire