റോഡിലെ കുഴി ഒഴിവാക്കാൻ ശ്രമിക്കുന്നതിനിടെ വിദ്യാർഥിനി ട്രക്ക് ഇടിച്ച് മരിച്ചു

ബെംഗളൂരു: റോഡിലെ കുഴി ഒഴിവാക്കാൻ ശ്രമിക്കുന്നതിനിടെ സ്കൂട്ടർ യാത്രക്കാരി ട്രക്ക് ഇടിച്ച് മരിച്ചു. തിങ്കളാഴ്ച രാവിലെ ആവലഹള്ളി ബുഡിഗെരെ ക്രോസിന് സമീപമാണ് അപകടമുണ്ടായത്. നഗരത്തിലെ കോളേജിൽ രണ്ടാം വർഷ ബികോം വിദ്യാർഥിനിയായ ധനുശ്രീ (22) ആണ് മരിച്ചത്. ട്രക്കിന് അടിയിൽപ്പെട്ട ധനുശ്രീ സംഭവ സ്ഥലത്ത് വെച്ച് തന്നെ മരണപ്പെട്ടു. ടിപ്പർ ലോറി ഡ്രൈവർ സംഭവത്തിനുശേഷം ഓടി രക്ഷപ്പെട്ടു.

ബെംഗളൂരുവിലെ റോഡുകളുടെ തകർച്ച നിരവധി അപകടങ്ങൾക്ക് കാരണമായിട്ടുണ്ട്. കെ ആർ പുരം, വൈറ്റ്ഫീൽഡ്, വിമാനത്താവളം എന്നിവയുമായി ബന്ധിപ്പിക്കുന്ന പ്രധാന പാതയാണ് ബുഡിഗെരെ ക്രോസ്. ഈ ഭാഗങ്ങളിൽ അപകടസാധ്യതയുള്ള കുഴികൾ ഏറെയാണെന്നാണ് നാട്ടുകാർ ആരോപിക്കുന്നത്.
SUMMARY: A student died after being hit by a tipper lorry while trying to avoid a pothole on the road