ഓടിക്കൊണ്ടിരിക്കെ സ്വകാര്യ ബസിന്റെ ടയർ ഊരിത്തെറിച്ച് അപകടം

കോഴിക്കോട്: ഓടിക്കൊണ്ടിരിക്കെ സ്വകാര്യ ബസിന്റെ ടയർ ഊരിത്തെറിച്ച് അപകടം. കോഴിക്കോട് കൊയിലാണ്ടി ദേശീയപാതയിൽ കാട്ടിലപ്പീടികയിലായിരുന്നു സംഭവം. സർവീസ് നടത്തുന്നതിനിടെ ബസിന്റെ പിൻഭാഗത്തെ ഇടതുവശത്തെ ടയർ ഊരിത്തെറിച്ച് പോകുകയായിരുന്നു.

കോഴിക്കോട്- കൊയിലാണ്ടി റൂട്ടില്‍ സര്‍വീസ് നടത്തുന്ന ദേവിക ബസ്സാണ് അപകടത്തില്‍പ്പെട്ടത്. ടയര്‍ ഊരിത്തെറിച്ച് സമീപത്തായി റോഡരികില്‍ പാര്‍ക്ക് ചെയ്തിരുന്ന ലോറിയില്‍ തട്ടി നില്‍ക്കുകയായിരുന്നു. ബസ് ഉടന്‍ തന്നെ ഡ്രൈവര്‍ ബ്രേക്ക് ചെയ്ത് നിര്‍ത്തി. ടയര്‍ തെറിച്ചു പോയ വഴിയില്‍ ആരും ഇല്ലാതിരുന്നതും വലിയ ദുരന്തം ഒഴിവാക്കി. അപകടത്തില്‍ ആര്‍ക്കും പരുക്കേറ്റിട്ടില്ല.
SUMMARY: Accident after tire of private bus bursts while running