ബെംഗളൂരു: മംഗളൂരു-ബെംഗളൂരു ദേശീയപാതയിലുണ്ടായ വാഹനാപകടത്തിൽ ആറ് വയസുകാരി മരിച്ചു. ബെൽത്തങ്ങാടി ഗർഡാഡി മരക്കിനി സ്വദേശി ഷാസിൻ (6) ആണ് മരിച്ചത്. ജോഗിബെട്ടുവിന് സമീപം ബൈക്കും ലോറിയും കൂട്ടിയിടിച്ചാണ് അപകടമുണ്ടായത്.
ഹസനബ്ബ ബേരിയും ഭാര്യ നസീമയും മകൻ ഷാസിനും കല്ലഡ്കയിൽ നിന്ന് ഉപ്പിനങ്ങാടി ഭാഗത്തേക്ക് ബൈക്കിൽ പോകുമ്പോഴായിരുന്നു അപകടമുണ്ടായത്. എതിർദിശയിൽ നിന്ന് വന്ന ലോറി ബൈക്കിൽ ഇടിക്കുകയായിരുന്നു.
മൂവരും റോഡിലേക്ക് തെറിച്ചുവീണു. വഴിയാത്രക്കാർ ഓടിയെത്തി മൂവരെയും ബണ്ട്വാൾ സർക്കാർ ആശുപത്രിയിലെത്തിച്ചെങ്കിലും കുട്ടിയുടെ ജീവൻ രക്ഷിക്കാനായില്ല. ഹസനബ്ബയുടെ ആരോഗ്യ നില അതീവഗുരുതരമാണ്. സംഭവത്തിൽ വിട്‌ല പോലീസ് കേസെടുത്തു.
TAGS: KARNATAKA | ACCIDENT
SUMMARY: Accident on national highway claims 6-year-old boy’s life, Couple critically injured
