നടൻ രാജേന്ദ്ര പ്രസാദിന്റെ മകള്‍ ഗായത്രി അന്തരിച്ചു

തെലുങ്ക് നടൻ രാജേന്ദ്ര പ്രസാദിന്റെ മകള്‍ ഗായത്രി(38) അന്തരിച്ചു. ഹൃദയാഘാതമാണ് മരണകാരണം. വെള്ളിയാഴ്ച രാത്രി ഹൈദരാബാദിലെ എഐജി ആശുപത്രിയില്‍ പ്രവേശിപ്പിച്ചിരുന്നു. ചികിത്സയിലിരിക്കെ, ഹൃദയാഘാതം ഉണ്ടായതിനെ തുടർന്ന് ശനിയാഴ്ചയായിരുന്നു അന്ത്യം. ഒരു സിനിമയുടെ ചിത്രീകരണത്തിനിടെയാണ് രാജേന്ദ്ര പ്രസാദ് ആശുപത്രിയിലെത്തിയത്.

അന്ത്യകർമങ്ങള്‍ പിന്നീട് ഹൈദരാബാദില്‍ നടക്കും. ഗായത്രിയുടെ മകള്‍ സായ് തേജസ്വിനി ബാലതാരമാണ്. രാജേന്ദ്ര പ്രസാദിന്റെ മകളുടെ അപ്രതീക്ഷിത വിയോഗ വാർത്തയില്‍ ദുഃഖം രേഖപ്പെടുത്തി പവൻ കല്യാണ്‍, നാനി, ജൂനിയർ എൻടിആർ ഉള്‍പ്പടെയുള്ളവരെത്തി. തെലുങ്കിലെ പ്രശസ്ത കൊമേഡിയനാണ് രാജേന്ദ്ര പ്രസാദ്. തെലുങ്ക്, തമിഴ് ഉള്‍പ്പടെ നൂറോളം സിനിമകളില്‍ അഭിനയിച്ചിട്ടുണ്ട്.

TAGS : THELUNKANA | PASSED AWAY
SUMMARY : Actor Rajendra Prasad’s daughter Gayathri passed away