നടൻ സന്തോഷ് ബാൽരാജ് അന്തരിച്ചു

ബെംഗളൂരു: കന്നഡ ചലച്ചിത്ര നടൻ സന്തോഷ് ബാൽരാജ്(34) അന്തരിച്ചു. ചൊവ്വാഴ്ച രാവിലെ 9.45-ഓടെ ബെംഗളൂരുവിലെ സ്വകാര്യ ആശുപത്രിയിലായിരുന്നു അന്ത്യം. മഞ്ഞപ്പിത്തം മൂർച്ഛിച്ചതിനെത്തുടർന്ന് തീവ്രപരിചരണവിഭാഗത്തിൽ പ്രവേശിപ്പിച്ചതായിരുന്നു. അടുത്തിടെയാണ് താരത്തിന് മഞ്ഞപ്പിത്തം സ്ഥിരീകരിച്ചത്. തുടർന്ന് അപ്പോളോ ആശുപത്രിയിൽ പ്രവേശിപ്പിക്കുകയായിരുന്നു. പിന്നീട് ആരോ​ഗ്യനില വഷളായതിനെ തുടർന്ന് കോമയിലായി. മഞ്ഞപ്പിത്തം വൃക്കയെ ബാധിച്ചതാണ് മരണകാരണം. ഐസിയുവിൽ പ്രവേശിപ്പിച്ചെങ്കിലും ആരോ​ഗ്യസ്ഥിതിയിൽ മാറ്റമുണ്ടായിരുന്നില്ല.

പ്രമുഖ കന്നഡ സിനിമാനിർമാതാവായിരുന്ന ആനേക്കൽ ബാൽരാജിന്റെ മകനാണ്. അവിവാഹിതനാണ്.  2015 ൽ ആനേക്കൽ ബാൽരാജ് നിർമ്മിച്ച ക്യാമറ എന്ന ആക്ഷൻ സിനിമയിലൂടെയാണ് സന്തോഷ് വെള്ളിത്തിരയിൽ എത്തിയത്. ഗണപ, ഒലവിന ഓലെ,ജന്മ എന്നിവയിലെ വേഷങ്ങള്‍ഏറെ പ്രേക്ഷക ശ്രദ്ധ നേടി. 2017-ൽ ഇറങ്ങിയ ‘കരിയ-2’ ആണ് അവസാനചിത്രം.
SUMMARY: Actor Santosh Balraj passes away