നടിയെ ആക്രമിച്ച കേസ്: വിചാരണ നടപടികള്‍ നീളുന്നതില്‍ ഹൈക്കോടതി റിപ്പോര്‍ട്ട് തേടി

കൊച്ചി: നടിയെ ആക്രമിച്ച കേസില്‍ വിചാരണ നടപടികള്‍ നീളുന്നതില്‍ റിപ്പോർട്ട് തേടി ഹൈക്കോടതി. ജില്ലാ ജുഡീഷ്യറിയുടെ ചുമതലയുള്ള രജിസ്ട്രാർ ആണ് റിപ്പോർട്ട് തേടിയത്. എറണാകുളം പ്രിൻസിപ്പല്‍ സെഷൻസ് കോടതി റിപ്പോർട്ട് നല്‍കണം. നേരത്തെ വിഷയത്തില്‍ ഹൈക്കോടതിയില്‍ പരാതി എത്തിയിരുന്നു.

നടിയെ ആക്രമിച്ച കേസിലെ വിചാരണ നീണ്ടുപോകുന്നു എന്നായിരുന്നു പരാതി. പിന്നാലെയാണ് ഹൈക്കോടതി റിപ്പോർട്ട് തേടിയത്. 2018ലാണ് കേസിന്റെ വിചാരണ ആരംഭിച്ചത്. നടൻ ദിലീപ് കേസില്‍ എട്ടാം പ്രതിയാണ്.

SUMMARY: Actress attack case: High Court seeks report on delay in trial proceedings