കൊച്ചി: വിവാഹബന്ധം വേര്പ്പെടുത്തിയെന്ന് സ്ഥിരീകരിച്ച് നടി മീര വാസുദേവ്. ഇന്സ്റ്റഗ്രാമില് പങ്കുവച്ച പോസ്റ്റിലൂടെയാണ് നടി ഇക്കാര്യം അറിയിച്ചിരിക്കുന്നത്. കാമറമാനായ വിപിന് പുതിയങ്കവുമായുള്ള വിവാഹബന്ധമാണ് ഇപ്പോള് അവസാനിപ്പിച്ചത്. 2025 ആഗസ്റ്റ് മുതല് താന് സിംഗിളാണെന്നും ഇത് തന്റെ ഔദ്യോഗിക പ്രഖ്യാപനമാണെന്നും മീര സമൂഹ മാധ്യമങ്ങളില് കുറിച്ചു.
ഒരു വർഷം നീണ്ട വിവാഹബന്ധത്തിനു ശേഷമാണ് ഇരുവരും പിരിയുന്നത്. ”ഞാൻ, നടി മീര വാസുദേവൻ, 2025 ഓഗസ്റ്റ് മുതല് ഞാൻ സിംഗിളാണെന്ന് ഔദ്യോഗികമായി പ്രഖ്യാപിക്കുന്നു. ഞാൻ എന്റെ ജീവിതത്തിലെ ഏറ്റവും മനോഹരവും സമാധാനപരവുമായ ഒരു ഘട്ടത്തിലാണ്.”-മീര സമൂഹ മാധ്യമങ്ങളില് കുറിച്ചു. വിപിനുമൊത്തുള്ള വിവാഹച്ചിത്രങ്ങള് ഉള്പ്പടെയുള്ള ചിത്രങ്ങളും വിഡിയോയും നടി നീക്കം ചെയ്തിട്ടുണ്ട്.
കഴിഞ്ഞ വര്ഷം മേയിലാണ് മീരയും വിപിനും വിവാഹിതരായത്. 43കാരിയായ മീരയുടെ മൂന്നാം വിവാഹമായിരുന്നു ഇത്. ‘കുടുംബവിളക്ക്’ എന്ന സീരിയലിന്റെ സെറ്റില്വച്ചാണ് ഇരുവരും പരിചയപ്പെടുന്നതും പ്രണയത്തിലാകുന്നതും പിന്നീട് വിവാഹം കഴിച്ചതും. പാലക്കാട് സ്വദേശിയാണ് വിപിൻ. കൊയമ്പത്തൂരില് വച്ചായിരുന്നു വിവാഹം.
നടന് ജോണ് കൊക്കനുമായുള്ള രണ്ടാം വിവാഹത്തില് അരിഹ എന്നു പേരുള്ള മകൻ മീരയ്ക്കുണ്ട്. നടിയും കലാകാരിയുമെന്ന നിലയില് 25 വര്ഷം പൂര്ത്തിയാക്കിയ സന്തോഷം കഴിഞ്ഞ ഏപ്രില് മാസത്തിലാണ് മീര സോഷ്യല് മീഡിയയില് പങ്കുവച്ചത്. ബ്ലസി സംവിധാനം ചെയ്ത തന്മാത്രയില് മോഹൻലാലിന്റെ നായികയായി മലയാള സിനിമയില് അരങ്ങേറ്റം കുറിച്ചു. തുടർന്ന് നിരവധി ചിത്രങ്ങളില് അഭിനയിച്ചു. പിന്നീട് മിനിസ്ക്രീനിലൂടെ അഭിനയത്ത് രംഗത്ത് തിരിച്ചെത്തി.
SUMMARY: Actress Meera Vasudev gets divorced for the third time
