ഇന്ത്യൻ എയർ ഫോഴ്സിൽ 4 വർഷത്തെ താത്കാലിക നിയമനമായ അഗ്നിവീർ വായു 2026 തസ്തികയിലേക്ക് അപേക്ഷ ക്ഷണിച്ചു 2005 ജൂലൈ 2 മുതൽ 2009 ജനുവരി 2 വരെ ജനിച്ചവർക്ക് അപേക്ഷിക്കാം. അവിവാഹിതർ മാത്രമേ അപേക്ഷിക്കേണ്ടതുള്ളൂ. അപേക്ഷിക്കാനുള്ള അവസാന തിയ്യതി 2025 ജൂലൈ 31 ആണ് .
സയൻസ് വിഭാഗത്തിൽ ഗണിതം, ഫിസിക്സ്, കെമിസ്ട്രി എന്നീ വിഷയങ്ങൾ പഠിച്ചു 10 +2 വിജയിച്ചവർക്കും 3 വർഷ എഞ്ചിനീയറിംഗ് ഡിപ്ലോമക്കാർക്കും അപേക്ഷിക്കാം. സയൻസിതര വിഭാഗത്തിൽ അപേക്ഷിക്കാൻ ഏതെങ്കിലും വിഷയത്തിൽ +2 വിജയിച്ചാൽ മതി. യോഗ്യത പരീക്ഷയിൽ മൊത്തത്തിലും ഇംഗ്ലീഷിൽ പ്രത്യേകമായും 50 % മാർക്ക് നേടിയിരിക്കണം. പുരുഷന്മാർക്ക് ചുരുങ്ങിയത് 152 സെന്റിമീറ്റർ ഉയരം വേണം. സ്ത്രീകൾക്കും കുറഞ്ഞ ഉയരം 152 സെന്റിമീറ്റർ ആണെങ്കിലും, ചില സംസ്ഥാനങ്ങളിലുള്ളവർക്കു കുറഞ്ഞ ഉയരത്തിൽ ഇളവുണ്ട്. കൂടുതൽ വിവരങ്ങൾ https://agnipathvayu.cdac.in എന്ന വെബ്സൈറ്റിൽ ലഭ്യമാണ്.
SUMMARY: Agniveer Vayu in the Indian Air Force; Applications invited
