ബെംഗളൂരു: സുരക്ഷ നിയമങ്ങൾ ലംഘിച്ചതിന് ബെംഗളൂരുവിലെ എട്ട് ഗെയിമിംഗ് സോണുകൾ അടച്ചുപൂട്ടി. കഴിഞ്ഞ മാസം ഗുജറാത്തിലെ രാജ്‌കോട്ടിൽ 28 പേരുടെ മരണത്തിനിടയാക്കിയ ഗെയിമിംഗ് സോണിലെ തീപിടുത്തത്തിൻ്റെ പശ്ചാത്തലത്തിലാണ് നഗരത്തിലുടനീളമുള്ള എല്ലാ ഗെയിമിംഗ് സോണിലും ബിബിഎംപി പരിശോധന നടത്തിയത്. നഗരത്തിലെ 29 ഗെയിമിംഗ് സോണുകളിൽ ബിബിഎംപി സുരക്ഷാ ഓഡിറ്റ് നടത്തിയിരുന്നു. ഇതിലാണ് എട്ട് സോണുകളിൽ സുരക്ഷാ നടപടികളുടെ അഭാവം കണ്ടെത്തിയ്ത്.
സൗത്ത് സോണിലെ കോറമംഗല ഹെക്സ് എൻ്റർടൈൻമെൻ്റ്, ഈസ്റ്റ് സോണിലെ എച്ച്എഎൽ റോഡിലെ കെംഫോർട്ട് മാൾ, ആർആർ നഗർ സോണിലെ വൈഷ്ണവി മാൾ, യെലഹങ്ക സോണിലെ ഗലേരിയ മാൾ, ബൈതരായണപുരയ്ക്ക് സമീപമുള്ള മാൾ ഓഫ് ഏഷ്യ, തനിസാന്ദ്രയിലെ എലമെൻ്റ്‌സ് മാൾ, തനിസാന്ദ്ര മെയിൻ റോഡിലെ ഭാരതീയ സിറ്റി മാളിലെ രണ്ടെണ്ണം എന്നിവയാണ് അടച്ചുപൂട്ടിയത്.
വൈഷ്ണവി മാളിലെ ഗെയിമിംഗ് സോണിന് ട്രേഡ് ലൈസൻസ് ഇല്ലെന്ന് ബിബിഎംപി ഉദ്യോഗസ്ഥർ പറഞ്ഞു. ശേഷിക്കുന്ന ഏഴ് ഗെയിമിംഗ് സോണുകൾ ബെസ്‌കോം, അഗ്നിശമന, പോലീസ് വകുപ്പുകളിൽ നിന്ന് എൻഒസി നേടിയിട്ടില്ല. എല്ലാ സുരക്ഷാ നടപടികളും പാലിക്കുകയും ബന്ധപ്പെട്ട അധികാരികളിൽ നിന്ന് എൻഒസി നേടുകയും ചെയ്താൽ കമ്പനികൾക്ക് ഗെയിമിംഗ് സോണുകൾ പുനരാരംഭിക്കാനാകും.
നിലവിൽ ബെംഗളൂരുവിൽ ഏറ്റവും കൂടുതൽ ഗെയിമിംഗ് സോണുകൾ ഉള്ളത് യെലഹങ്ക സോണിലാണ് (6). ദാസറഹള്ളി സോണിന് കീഴിൽ ഗെയിമിംഗ് സ്ഥാപനങ്ങളില്ല.
TAGS: BENGALURU UPDATES| GAMING ZONE
SUMMARY: Eight Gaming zones in bengaluru seald by bbmp
ബെംഗളൂരു: വന്യമൃഗ ആക്രമണത്തില്‍ മനുഷ്യര്‍ കൊല്ലപ്പെടുന്ന സംഭവങ്ങള്‍ വര്‍ധിച്ചുവരുന്ന പശ്ചാത്തലത്തില്‍ ബന്ദിപ്പൂര്‍, നാഗര്‍ഹോള വന്യജീവി സങ്കേതങ്ങളിലെ ടൂറിസം സഫാരി പ്രവര്‍ത്തനങ്ങള്‍…
ന്യൂഡല്‍ഹി: ഡല്‍ഹി വിമാനത്താവളത്തിൽ സാങ്കേതിക തകരാർ കാരണം വൈകിയത് 800 വിമാന സർവീസുകൾ. ഇതുവരെയും തകരാർ പരിഹരിച്ചിട്ടില്ല. അന്താരാഷ്ട്ര സർവീസുകളും…
ബെംഗളൂരു: സുവർണ കർണാടക കേരളസമാജം ബെംഗളൂരു നോര്‍ത്ത് സോണ്‍ 'സുവർണ ജ്യോതി 2025' നവംബർ 9 ന് രാവിലെ 11…
തിരുവനന്തപുരം: തിരുവനന്തപുരം മെട്രോ റെയില്‍ പദ്ധതിയുടെ ആദ്യ ഘട്ട അലൈന്‍മെൻ്റിന് അംഗീകാരം. ടെക്നോപാര്‍ക്കിന്റെ മൂന്ന് ഫേസുകള്‍, വിമാനത്താവളം, തമ്പാനൂര്‍ ബസ് സ്റ്റാന്റ്,…
തിരുവനന്തപുരം: കെ ജയകുമാർ ഐഎഎസ് തിരുവിതാംകൂർ ദേവസ്വം ബോർഡ് പ്രസിഡന്റായേക്കുമെന്ന് സൂചന. അന്തിമ തീരുമാനം നാളെയുണ്ടാകും. മുന്‍ ചീഫ് സെക്രട്ടറിയാണ്…
തിരുവനന്തപുരം: തിരുവിതാംകൂര്‍ ദേവസ്വം ബോര്‍ഡ് ഭരണസമിതി മാറുമെന്നും പുതിയ പ്രസിഡണ്ടിനെ തീരുമാനിച്ചിട്ടുണ്ടെന്നും സിപിഎം സംസ്ഥാന സെക്രട്ടറി എംവി ഗോവിന്ദന്‍. സര്‍ക്കാര്‍…