കൊച്ചി: കേരളത്തിന് സീ പ്ലെയിൻ റൂട്ടുകള് ലഭിച്ചതായി ടൂറിസം മന്ത്രി മുഹമ്മദ് റിയാസ്. ഏവിയേഷൻ വകുപ്പില് നിന്നും കേരളത്തിന് 48 റൂട്ടുകള് സീ പ്ലെയിനിനായി അനുവദിച്ചുകിട്ടിയെന്ന് മന്ത്രി ഫേസ്ബുക്ക് കുറിപ്പില് അറിയിച്ചു. ഇന്ത്യ വണ് എയർ, മെഹൈർ, പിഎച്ച്എല്, സ്പൈസ് ജെറ്റ് എന്നീ എയർലൈൻസിനാണ് നിലവില് റൂട്ടുകള് അനുവദിച്ചിട്ടുള്ളത്.
സീ പ്ലെയിൻ പദ്ധതി ആരംഭിക്കുന്നതിൻ്റെ ഭാഗമായി അടിസ്ഥാന സൗകര്യം ഒരുക്കുവാനുള്ള പദ്ധതി കൂടി തയ്യാറാക്കുന്നുണ്ടെന്നും ഇതിൻ്റെ തുടർനടപടികള് പുരോഗമിക്കുകയാണെന്നും അദ്ദേഹം പറഞ്ഞു. സീ പ്ലെയിൻ പദ്ധതിക്കായി എല്ഡിഎഫ് സർക്കാർ ബജറ്റില് തുക വകയിരുത്തിയിട്ടുണ്ട്. ഡാമുകളിലുടെയുള്ള സീപ്ലൈൻ പദ്ധതി ഭാവി കേരളത്തില് യാഥാർത്ഥ്യമാക്കാൻ എല്ലാവരെയും യോജിപ്പിച്ച് മുന്നോട്ട് പോകുമെന്നും അദ്ദേഹം അറിയിച്ചു.
SUMMARY: Approval for seaplane routes in Kerala; Aviation Department has approved 48 routes
