ബെംഗളൂരു: മൈസൂരു ദസറയിൽ ഇത്തവണ അണിനിരക്കുന്നത് 14 ആനകൾ. തിരഞ്ഞെടുത്ത ആനകളുടെ പട്ടിക വനം മന്ത്രി ഈശ്വർ ഖണ്ഡ്രെ പുറത്തുവിട്ടു. ഓഗസ്റ്റ് 21നാണ് ഇത്തവണ ദസറയുടെ മുന്നോടിയായുള്ള ഗജപായന നടത്തുന്നത്. മൈസൂരു ഹുൻസൂർ താലൂക്കിലെ വീരനഹോസഹള്ളിയിലായിരിക്കും ഗജപായന നടത്തുന്നത്.
ഇത്തവണത്തെ ദസറ ആഘോഷം മുൻവർഷത്തേക്കാൾ മികച്ചതാക്കുമെന്ന് മുഖ്യമന്ത്രി സിദ്ധരാമയ്യ തിങ്കളാഴ്ച അറിയിച്ചിരുന്നു. പ്രാദേശിക കലാകാരന്മാർക്ക് അവസരം നൽകണമെന്നും ഈ വർഷം നഗരത്തിൽ 21 ദിവസം ലൈറ്റ് ഷോ സംഘടിപ്പിക്കണമെന്നും അദ്ദേഹം വകുപ്പുകളോട് ആവശ്യപ്പെട്ടിട്ടുണ്ട്.
മൈസൂരു ദസറയിൽ പങ്കെടുക്കാനുള്ള ആനകളുടെ പട്ടികയിൽ ഗോപി, പ്രശാന്ത, ധനഞ്ജയ, സുഗ്രീവ, വരലക്ഷ്മി, ലക്ഷ്മി, അഭിമന്യു, ദൊഡ്ഡ ഹരവേ ലക്ഷ്മി, ഹിരണ്യ, മഹേന്ദ്ര, ഭീമ, കാഞ്ജൻ, രോഹിത, ഏകലവ്യ എന്നിവർ ഉൾപ്പെടുന്നുണ്ട്.
വനം വകുപ്പ് ഉദ്യോഗസ്ഥർ മേഖലയിലെ വിവിധ ആന ക്യാമ്പുകൾ സന്ദർശിച്ച ശേഷമാണ് 14 ആനകളുടെ പട്ടിക തയ്യാടാക്കിയത്. ജില്ലാ ചുമതലയുള്ള മന്ത്രിയും മറ്റ് പ്രമുഖരും പങ്കെടുക്കുന്ന ഗജപായന പരിപാടിയിൽ ഒമ്പത് ആനകളടങ്ങുന്ന ആദ്യസംഘം പങ്കെടുക്കും. ആനകളുടെ രണ്ടാം സംഘം പിന്നീട് എത്തുമെന്ന് ഡിസിഎഫ് അറിയിച്ചു. 14 ആനകൾ ദസറയിൽ പങ്കെടുക്കുമെന്നും നാല് ജംബോകളെ റിസർവായി വകുപ്പ് സൂക്ഷിക്കുമെന്നും മന്ത്രി ഈശ്വർ ഖന്ധ്രെ അറിയിച്ചു.
TAGS: KARNATAKA | MYSORE DASARA
SUMMARY: Almost 14 jumbos selected for mysore dasara this year
ആധാർ പുതുക്കാനും തിരുത്താനുമുള്ള നിരക്ക് പരിഷ്കരിച്ച് യുണീക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) ഉത്തരവിറങ്ങി. ആധാറിലെ പേര്, ജനനത്തീയതി,…
മലപ്പുറം: തിരൂരില്‍ സ്വകാര്യ ബസുകള്‍ക്കിടയിൽപ്പെട്ട് കൈയ്ക്ക് പരുക്കേറ്റ എട്ടാം ക്ലാസ് വിദ്യാർഥിയുടെ വിരല്‍ അറ്റു. പറവണ്ണ മുറിവഴിക്കലിൽ കഴിഞ്ഞ ദിവസമാണ്…
ബെംഗളൂരു: വിമാനത്തിന്റെ ശൗചാലയമെന്ന് കരുതി കോക്പിറ്റില്‍ പ്രവേശിക്കാന്‍ ശ്രമിച്ച യാത്രക്കാരന്‍ അറസ്റ്റില്‍. ഇന്ന് രാവിലെ എട്ടുമണിക്ക് ബെംഗളൂരുവിൽ നിന്ന് പുറപ്പെട്ട്…
ബെംഗളൂരു: പൂജാ അവധി, ശബരിമല തീർഥാടനം എന്നിവയുമായി ബന്ധപ്പെട്ട യാത്രാ തിരക്ക് പരിഗണിച്ച് ഹുബ്ബള്ളിയില്‍ നിന്ന് ബെംഗളൂരു വഴി കൊല്ലത്തേക്ക്…
ബെംഗളൂരു: മൈസൂരു ദസറയ്ക്ക് തുടക്കം. എഴുത്തുകാരിയും ബുക്കർ പുരസ്കാര ജേതാവുമായ ബാനു മുഷ്താഖ് ദസറ ഉദ്ഘാടനം ചെയ്തു. മൈസൂരിലെ ആരാധനാദേവതയായ…
ന്യൂഡൽഹി: ഡല്‍ഹി കലാപ ഗൂഢാലോചന കേസില്‍ വിദ്യാർഥി നേതാവ് ഉമർ ഖാലിദ് അടക്കമുള്ളവരുടെ ജാമ്യ ഹർജിയില്‍ സുപ്രീംകോടതി ഡല്‍ഹി പോലീസിന്…