ബെംഗളൂരു: ബെംഗളൂരു കെഎസ്ആർ റെയിൽവേ സ്റ്റേഷനിൽ (എസ്ബിസി) നിന്ന് കേരളത്തിലേക്ക് യാത്ര പുറപ്പെടുന്ന രണ്ട് ട്രെയിനുകള് ബൈയ്യപ്പനഹള്ളി സർ എം.വിശ്വേശ്വരയ്യ ടെർമിനലിലെക്ക് (എസ്എംവിടി) മാറ്റി. രാവിലെ 6.10-ന് പുറപ്പെടുന്ന എറണാകുളം എക്സ്പ്രസും(ഇന്റർ സിറ്റി എക്സ്പ്രസ്-12677), രാത്രി എട്ടുമണിക്ക് പുറപ്പെടുന്ന എസ്ബിസി-കണ്ണൂർ എക്സ്പ്രസും(16511)ആണ് സ്റ്റേഷൻ മാറുന്നത്. ഓഗസ്റ്റ് 16 മുതലാണ് മാറ്റം. ഓഗസ്റ്റ് 15 മുതൽ ഈ ട്രെയിനുകള് യാത്ര അവസാനിപ്പിക്കുന്നതും എസ്എംവിടിയില് ആയിരിക്കും. അടുത്തവർഷം ജനുവരി 16 വരെയാണ് മാറ്റം. കെഎസ്ആർ റെയിൽവേ സ്റ്റേഷൻ യാർഡിലെ പിറ്റ്ലൈനുകളുടെ നിർമാണ പ്രവൃത്തികളെ തുടര്ന്നാണ് പുനക്രമീകരണം.
എറണാകുളം ഇന്റർസിറ്റി എക്സ്പ്രസ് കന്റോൺമെന്റ് സ്റ്റേഷനിലും കെഎസ്ആറിലും ഈ ദിവസങ്ങളില് എത്തില്ല. ബൈയപ്പനഹള്ളി- കർമലാരം വഴിയായിരിക്കും യാത്ര. കണ്ണൂർ എക്സ്പ്രസ് കുനിഗൽ, ചിക്കബാനവാര, യശ്വന്തപുര ജങ്ഷൻ, ഹെബ്ബാൾ, ബാനസവാടി വഴിയായിരിക്കും യാത്ര. കേരളത്തിലേക്കുള്ള ട്രെയിനുകള് കൂടത്തെ മഹാരാഷ്ട്രയിലെ നാംദേഡിലേക്കുള്ള എക്സ്പ്രസ് ട്രെയിനും(16511/16512) എസ്എംവിടിലേക്ക് മാറ്റുന്നുണ്ട്. റെയിൽവേയുടെ റിസർവേഷൻ സൈറ്റിൽ പുതിയ ക്രമീകരണ പ്രകാരമുള്ള മാറ്റം ഏർപ്പെടുത്തിയിട്ടുണ്ട്.
SUMMARY: Attention passengers; Two trains to Kerala will depart from SMVT
