അയ്യപ്പൻ വിളക്ക് മഹോത്സവം ഇന്ന്

ബെംഗളൂരു: ജാലഹള്ളി അയ്യപ്പൻവിളക്ക് മഹോത്സവം ഞായറാഴ്ച ജലഹള്ളി അയ്യപ്പക്ഷേത്രത്തിനടുത്തുള്ള ദോസ്തി ഗ്രൗണ്ടിൽ രാവിലെ ആറിന് ഗണപതി ഹോമത്തോടെ തുടക്കമാകും. 9.30-ന് കുടിവെപ്പു പൂജ. 11 ന് സമന്വയ എജുക്കേഷൻ ചാരിറ്റബിൾ ട്രസ്റ്റ് ദാസറ ഹള്ളി ഭാഗിന്റെ ഭജനാമൃതം. 12ന് ചിലങ്ക സ്‌കൂൾ ഓഫ് ഡാൻസ് അവതരിപ്പിക്കുന്ന മാർക്കണ്ഡേയ ചരിതം നൃത്താവിഷ്‌കാരം. 1.30-ന് മേളാരാധന എന്നിവ നടക്കും.

വൈകുന്നേരം നാലിന് നടക്കുന്ന ഘോഷയാത്രയിൽ താലപ്പൊലി, രഥത്തോട് കൂടിയുള്ള പാലക്കൊമ്പ് എഴുന്നള്ളിപ്പ് നടക്കും. വൈകീട്ട് ആറിന് അമ്പലപ്പുഴ വിജയകുമാറിന്റെയും ശ്രീകുമാറിന്റെയും നേതൃത്വത്തിൽ സോപാനസംഗീതം. ഏഴിന് ചക്രവർത്തി സുലിബെളെയുടെ പ്രഭാഷണം. ഒൻപതിന് പൂജ, തായമ്പക, വിളക്കുപാട്ട്. പുലർച്ചെ രണ്ടിന് പാൽക്കിണ്ടി എഴുന്നള്ളിപ്പ്. തുടർന്ന് തിരി ഉഴിച്ചിൽ, വെട്ടും തടവും, കനലാട്ടം. ഉച്ചയ്ക്കും രാത്രിയിലും മഹാഅന്നദാനം ഉണ്ടായിരിക്കുമെന്ന് ഭാരവാഹികൾ അറിയിച്ചു.
SUMMARY: Jalahalli Ayyappan Vilakku Festival today