ന്യൂഡൽഹി: മതപരിവര്ത്തനവും മനുഷ്യക്കടത്തും ആരോപിച്ച് ഛത്തീസ്ഗഡ് പോലിസ് അറസ്റ്റ് ചെയ്ത കന്യാസ്ത്രീകളുടെ ജാമ്യാപേക്ഷ ദുര്ഗ് കോടതി തള്ളി. വന്ദന ഫ്രാന്സിസ്, പ്രീതി മേരി എന്നിവരെയാണ് ഛത്തീസ്ഗഡിലെ ദുര്ഗ് റെയില്വേ സ്റ്റേഷനില് വച്ച് റെയില്വേ പോലീസ് വെള്ളിയാഴ്ച അറസ്റ്റ് ചെയ്തത്. സഭയുടെ കീഴിലെ സ്ഥാപനങ്ങളിലേക്ക് മൂന്ന് പെണ്കുട്ടികളെ കൊണ്ടുപോകാന് ശ്രമിക്കുന്നതിനിടെയാണ് അറസ്റ്റ് എന്നാണ് വിവരം.
ആഗ്രയിലെ ഫാത്തിമ ആശുപത്രിയില് ജോലി ചെയ്യുന്ന ഇവര് ഗാര്ഹിക ജോലികള്ക്കായി മൂന്നു പെണ്കുട്ടികളെ കൂട്ടിക്കൊണ്ടുപോകാനായി ദുര്ഗ് റെയില്വേ സ്റ്റേഷനില് ചെന്നതാണ്. ഒരു പെണ്കുട്ടിയുടെ സഹോദരനും കൂടെയുണ്ടായിരുന്നു. ഹിന്ദുത്വസംഘം ഇവരെ തടഞ്ഞുവെക്കുകയും പോലീസിനെ അറിയിക്കുകയുമായിരുന്നു. കന്യാസ്ത്രീകള്ക്കുനേരെ ബജ്റങ്ദള് പ്രവര്ത്തകര് വളരെ മോശമായിട്ടാണ് പെരുമാറിയതെന്ന് പ്രതിപക്ഷ എംപിമാര് പറഞ്ഞു.
കന്യാസ്ത്രീകളെ ജയിലില് സന്ദര്ശിച്ച ശേഷം മാധ്യമങ്ങളോട് സംസാരിക്കുകയായിരുന്നു എംപിമാര്. എന് കെ പ്രേമചന്ദ്രന്, ഫ്രാന്സിസ് ജോര്ജ്, ബെന്നി ബഹ്നാന്, സപ്തഗിരി എന്നീ എംപിമാരാണ് ദുര്ഗ് സെന്ട്രല് ജയിലില് കഴിയുന്ന കന്യാസ്ത്രീകളെ കാണാനായി പോയത്. ഇവരെ കൂടാതെ കന്യാസ്ത്രീകളുടെ ബന്ധുവായ ബൈജുവിനും അനുമതി ലഭിച്ചിരുന്നു.
കന്യാസ്ത്രീകള് നടത്തുന്ന ആശുപത്രിയില് ജോലിക്ക് പോവുകയാണെന്ന് പെണ്കുട്ടികള് പറഞ്ഞു. മൂവരുടെയും രക്ഷിതാക്കള് ജോലിക്ക് പോവാന് നല്കിയ അനുമതി പത്രവും തിരിച്ചറിയല് കാര്ഡുകളും പെണ്കുട്ടികള് ഹാജരാക്കി. തങ്ങള് നേരത്തെ തന്നെ ക്രൈസ്തവരാണെന്നും പെണ്കുട്ടികള് വ്യക്തമാക്കിയിരുന്നു. എന്നാല് ഇതൊന്നും അംഗീകരിക്കാന് ബജ്റംഗ്ദളോ പോലീസോ തയ്യാറായില്ലെന്നാണ് ആരോപണം.
SUMMARY: Bail plea of nuns arrested in Chhattisgarh rejected
മോങ്ടണ്: കാനഡയിലെ പ്രിൻസ് എഡ്വേർഡ് ഐലൻഡില് ജോലി ചെയ്തിരുന്ന മലയാളി യുവാവിനെ മരിച്ച നിലയില് കണ്ടെത്തി. തൊടുപുഴ ഒളമറ്റം അഞ്ജനവേലില്…
ഡല്ഹി: ഉന്നാവോ ബലാത്സംഗ കേസില് മുൻ ബിജെപി എംഎല്എ കുല്ദീപ് സിങ് സേംഗറിന് തിരിച്ചടി. ശിക്ഷ മരവിപ്പിച്ച് ജാമ്യം അനുവദിച്ച…
കൊച്ചി: അനധികൃത സ്വത്ത് സമ്പാദന കേസില് പി വി അൻവറിന് ഇ ഡി നോട്ടീസ് അയച്ചു. 2016 മുതല് 2021…
തിരുവനന്തപുരം: കേരളത്തിൽ സ്വര്ണവിലയില് ഇന്ന് ഇടിവ്. ഇന്ന് പവന് ഒറ്റയടിക്ക് 520 രൂപയാണ് കുറഞ്ഞത്. ഒരു ലക്ഷം കടന്ന് റെക്കോര്ഡുകള്…
തിരുവനന്തപുരം: വട്ടിയൂർക്കാവ് എംഎല്എ വി.കെ പ്രശാന്തിനോട് ഓഫീസ് ഒഴിയാൻ ആവശ്യപ്പെട്ട സംഭവത്തില് പ്രതികരിച്ച് കെ.എസ് ശബരിനാഥൻ. എംഎല്എ ഹോസ്റ്റലില് സൗകര്യങ്ങളുള്ള…
ഡൽഹി: തിങ്കളാഴ്ച രാവിലെ ഡല്ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തില് മൂടല് മഞ്ഞ് കാരണം സീറോ വിസിബിലിറ്റി രേഖപ്പെടുത്തിയതോടെ 200 ഓളം…