ബെംഗളൂരുവിൽ റോഡുകളിൽ കുഴിയടയ്ക്കൽ തുടങ്ങി ബിബിഎംപി

ബെംഗളൂരു: നഗരത്തിലെ റോഡുകളുടെ ശോചനീയാവസ്ഥയെക്കുറിച്ച് പരാതി വ്യാപകമാകുന്നതിനിടെ കുഴി അടയ്ക്കൽ നടപടികളുമായി ബിബിഎംപി. മൈസൂരു റോഡ്, മാഗഡി റോഡ്, വൈറ്റ്ഫീൽഡ് മെയിൻ റോഡ്, ബാനസവാടി മെയിൻ റോഡ്, ദിന്നൂർ മെയിൻ റോഡ് എന്നിവിടങ്ങളിലും ഔട്ടർ റിങ് റോഡിലെ ബിഇഎൽ സർക്കിൾ, രാമമൂർത്തി നഗർ എന്നിവിടങ്ങളിലെ സർവീസ് റോഡുകളിലെയും കുഴികളാണ് അടയ്ക്കുന്നത്.

എന്നാൽ പൊട്ടിപ്പൊളിഞ്ഞ ഒട്ടേറെ റോഡുകളിലെ കുഴികൾ ഇനിയും അടയ്ക്കാനുണ്ടെന്ന് നഗരവാസികൾ ചൂണ്ടിക്കാട്ടുന്നു.
നേരത്തേയും വിമർശനം ശക്തമായതോടെ റോഡുകളിലെ കുഴികൾ ബിബിഎംപി അടച്ചിരുന്നു.എന്നാൽ കരാറുകാർ നടത്തിയ ഗുണനിലവാരമില്ലാത്ത നവീകരണം ദിവസങ്ങൾക്കകം റോഡുകൾ പൊട്ടിപൊളിയാൻ കാരണമായി. അതിനാൽ കൃത്യമായ മേൽനോട്ടം ബിബിഎംപിയുടെ ഭാഗത്തു നിന്നുണ്ടാകണമെന്ന് ആവശ്യമുയരുന്നു. മൺസൂൺ എത്തുന്നതുവരെ കുഴിയടപ്പ് നടത്താത്തതിനു എതിരെയും വിമർശനം ശക്തമാണ്.

SUMMARY: BBMP begun asphalting roads across Bengaluru