ബെംഗളൂരു: ഇ-ഖാത്തകൾ വീട്ടുപടിക്കൽ എത്തിക്കാൻ പദ്ധതിയുമായി ബിബിഎംപി. ഇ-ഖാത്തകൾക്ക് അപേക്ഷ നൽകിയ ശേഷം ഇവ ഡൗൺലോഡ് ചെയ്യാനും, കോപ്പികൾ ലഭിക്കാനും വീണ്ടും സോണൽ ഓഫിസുകൾ സന്ദർശിക്കുന്ന ബുദ്ധിമുട്ട് ഒഴിവാക്കാനാണ് നടപടി.
ചൊവ്വാഴ്ച മുതൽ അംഗീകൃത അപേക്ഷകർക്ക് ഇ-ഖാത്ത വീട്ടുപടിക്കൽ എത്തിച്ചുനൽകുമെന്ന് ബിബിഎംപി ചീഫ് കമ്മീഷണർ തുഷാർ ഗിരിനാഥ് പറഞ്ഞു. 20 കോടി സ്വത്ത് ഉടമകളിൽ 1.45 കോടി പേർ മാത്രമാണ് ഇതുവരെ ഇ-ഖാത്ത വെബ്‌സൈറ്റ് വഴി അപേക്ഷകൾ സമർപ്പിച്ചിട്ടുള്ളത്. ഇതിൽ 10.34 ലക്ഷം പേർക്ക് ഡ്രാഫ്റ്റ് സർട്ടിഫിക്കറ്റുകൾ ലഭിച്ചു.
1.5 ലക്ഷം പേർ മാത്രമാണ് അന്തിമ ഇ-ഖാത്ത സർട്ടിഫിക്കറ്റുകൾ ഡൗൺലോഡ് ചെയ്തിട്ടുള്ളത്. തീർപ്പുകൽപ്പിക്കാത്ത ഇ-ഖാത്ത അപേക്ഷകൾ ബിബിഎംപി അംഗീകരിക്കുകയും അവ യഥാർത്ഥ ഉടമകളിൽ എത്തുന്നുണ്ടെന്ന് ഉറപ്പാക്കുകയും ചെയ്യുമെന്ന് കമ്മീഷണർ പറഞ്ഞു.
TAGS: BBMP | E KHATA
SUMMARY: BBMP plans to deliver e-khatas to doorsteps
