ബെംഗളൂരു: രേണുകസ്വാമി കൊലക്കേസ് പ്രതി ദർശൻ തോഗുദീപയുടെ ജാമ്യം റദ്ദാക്കണമെന്ന ആവശ്യവുമായി സുപ്രീം കോടതിയെ സമീപിക്കാനൊരുങ്ങി ബെംഗളൂരു പോലീസ്. നടന്റെ ആരോഗ്യസ്ഥിതി പരിഗണിച്ച് അടുത്തിടെ കർണാടക ഹൈക്കോടതി ഇടക്കാല ജാമ്യം അനുവദിച്ചിരുന്നു.
എന്നാൽ ആരോഗ്യവുമായി ബന്ധപ്പെട്ടുള്ള നടന്റെ വാദം കള്ളമാണെന്ന് പോലീസ് പറഞ്ഞു. പുറത്തിറങ്ങിയ നടൻ സാക്ഷികൾ ബന്ധപ്പെടാനും ശ്രമിക്കുന്നുണ്ട്. ഇത് കേസിനെ വഴിതിരിച്ചുവിടുമെന്നും, ഇരയ്ക്ക് നീതി ലഭിക്കില്ലെന്നും പോലീസ് പറഞ്ഞു. ജാമ്യം റദ്ദാക്കണമെന്ന ആവശ്യത്തിൽ സുപ്രീം കോടതിയെ സമീപിക്കാൻ പോലീസ് അയച്ച അപേക്ഷയ്ക്ക് ആഭ്യന്തര വകുപ്പ് അനുമതി നൽകിയതിനെ തുടർന്നാണ് നടപടി. നടപടിക്രമങ്ങൾ ഉടൻ ആരംഭിക്കുമെന്ന് ബെംഗളൂരു പോലീസ് കമ്മീഷണർ ബി. ദയാനന്ദ പറഞ്ഞു. ദർശൻ നടുവേദനയ്ക്ക് ചികിത്സയിൽ കഴിയുകയാണ്.
ചിത്രദുർഗയിലെ ഫാർമസി ജീവനക്കാരനായ രേണുകസ്വാമിയുടെ (34) കൊലപാതകവുമായി ബന്ധപ്പെട്ടാണ് നടൻ അറസ്റ്റിലായത്. കേസിലെ രണ്ടാം പ്രതിയാണ് ദർശൻ. പവിത്ര ഗൗഡയാണ് ഒന്നാം പ്രതി.
TAGS: KARNATAKA | DARSHAN THOOGUDEEPA
SUMMARY: Bengaluru police to move Supreme Court for cancellation of bail granted to actor Darshan
ചെന്നൈ: നായയുടെ കടിയേറ്റ യുവാവ് മാസങ്ങൾക്ക് ശേഷം പേവിഷ ബാധയെ തുടർന്ന് മരിച്ചു. തമിഴ്നാട് കന്യാകുമാരി സ്വദേശി അയ്യപ്പൻ (31)…
കോഴിക്കോട്: കോര്‍പറേഷന്‍ തിരഞ്ഞെടുപ്പില്‍ യൂത്ത് ലീഗ് സംസ്ഥാന സെക്രട്ടറി അഡ്വ.ഫാത്തിമ തഹ്ലിയ മല്‍സരിക്കും. കുറ്റിച്ചിറ വാർഡിൽ നിന്നാകും മത്സരിക്കുക. ലീഗിന്റെ വിദ്യാര്‍ഥി…
ബെംഗളൂരു: സ്കാനിങ്ങിനിടെ റേഡിയോളജിസ്റ്റ് സ്ത്രീയെ ലൈംഗികമായി പീഡിപ്പിക്കുകയും കത്തി കാണിച്ച് ഭീഷണിപ്പെടുത്തുകയും ചെയ്തതായി ആരോപണം. ആനേക്കലിലെ വിധാത സ്കൂൾ റോഡിലുള്ള…
കൊച്ചി: ശബരിമല സ്വർണക്കൊള്ളകേസില്‍ മുൻ ദേവസ്വം സെക്രട്ടറി ജയശ്രീയുടെ അറസ്റ്റ് ഹൈക്കോടതി തടഞ്ഞു. ചൊവ്വാഴ്ച വരെയാണ് അറസ്റ്റ് തടഞ്ഞത്. ജയശ്രീയുടെ…
കൊച്ചി: കോർപറേഷൻ ഡെപ്യൂട്ടി മേയർ കെ.എ. അൻസിയ സിപിഐ വിട്ടു. സ്ഥാനാർഥി നിർണയത്തിൽ മതിയായ പരിഗണന ലഭിച്ചില്ലെന്ന് ആരോപിച്ചാണ് അൻസിയ…
ചെന്നൈ: തമിഴ്‌നാട്ടില്‍ വ്യോമസേനയുടെ പരിശീലക വിമാനം തകര്‍ന്നുവീണതായി റിപ്പോര്‍ട്ട്. ചെന്നൈയിലെ താംബരത്തിന് സമീപം പതിവ് പരിശീലന ദൗത്യത്തിനിടെ ഇന്ത്യൻ വ്യോമസേനയുടെ…