ബിജെപി സംസ്ഥാന ഭാരവാഹികളെ പ്രഖ്യാപിച്ചു; 4 ജനറല്‍ സെക്രട്ടറിമാര്‍

തിരുവനന്തപുരം: രാജീവ് ചന്ദ്രശേഖർ നയിക്കുന്ന സംസ്ഥാന ബിജെപിയ്ക്ക് ഇനി പുതിയ മുഖം. എം.ടി രമേശ്, ശോഭാ സുരേന്ദ്രൻ, എസ്. സുരേഷ്‌, അനൂപ് ആന്റണി എന്നിവരാണ് ജനറല്‍ സെക്രട്ടറിമാർ. വിവിധ മേഖല അധ്യക്ഷൻമാരെയും പ്രഖ്യാപിച്ചു. ഇ. കൃഷ്ണദാസാണ് ട്രഷറർ. മേഖല അധ്യക്ഷൻമാരായി കെ.ശ്രീകാന്ത്, വി.ഉണ്ണികൃഷ്ണൻ, എ.നാഗേഷ്, എൻ.ഹരി, ബി.ബി.ഗോപകുമാർ എന്നിവരെയും നിയോഗിച്ചു.

ഡോ.കെ.എസ്.രാധാകൃഷ്ണ‌ൻ (എറണാകുളം), സി.സദാനന്ദൻ (കണ്ണൂർ), പി.സുധീർ (തിരുവനന്തപുരം), സി.കൃഷ്‌ണകുമാർ (പാലക്കാട്), ബി.ഗോപാലകൃഷ്‌ണൻ (തൃശ്ശൂർ), ഡോ.അബ്ദുള്‍ സലാം (തിരുവനന്തപുരം), ആർ.ശ്രീലേഖ ഐപിഎസ് (റിട്ട) (തിരുവനന്തപുരം), കെ. സോമൻ (ആലപ്പുഴ), കെ.കെ. അനീഷ്കുമാർ (തൃശൂർ), അഡ്വ.ഷോണ്‍ ജോർജ് (കോട്ടയം) എന്നിവരാണ് വൈസ് പ്രസിഡന്റുമാർ

അശോകൻ കുളനട (പത്തനംതിട്ട), കെ.രഞ്ജിത്ത് (കണ്ണൂർ), രേണു സുരേഷ് (എറണാകുളം), വി.വി.രാജേഷ് (തിരുവനന്തപുരം), പന്തളം പ്രതാപൻ (ആലപ്പുഴ), ജിജി ജോസഫ് (എറണാകുളം), എം.വി.ഗോപകുമാർ (ആലപ്പുഴ), പൂന്തുറ ശ്രീകുമാർ (തിരുവനന്തപുരം), പി.ശ്യാംരാജ് (ഇടുക്കി), എം.പി.അഞ്ജന രഞ്ജിത്ത് (തിരുവനന്തപുരം) എന്നിവരെ സെക്രട്ടറിമാരായി നിയോഗിച്ചു.

കെ.സുരേന്ദ്രന്‍, വി.മുരളീധരന്‍ അനുകൂലികളെ ഒഴിവാക്കി രാജീവ് ചന്ദ്രശേഖരിന് അടുപ്പമുള്ളവരെ നേതൃനിരയിലേക്ക് കൊണ്ടുവരുന്നു എന്ന വിമര്‍ശനം നേരത്തെ ഉയര്‍ന്നിരുന്നു. ഇതിന് പിന്നാലെയാണ് കെ.സുരേന്ദ്രന്‍, വി.മുരളീധരന്‍ അനുകൂലികളെ ഒഴിവാക്കി ഭാരവാഹികളെ പ്രഖ്യാപിച്ചിരിക്കുന്നത്. സോഷ്യല്‍ മീഡിയ, മീഡിയ കണ്‍വീനർമാർമാരും രാജീവ് ചന്ദ്രശേഖരന്റെ വിശ്വസ്ഥരാണ്.

SUMMARY: BJP announces state office bearers; 4 general secretaries