വയനാട്: ഉരുള്‍പെട്ടല്‍ മേഖലയിലെ രക്ഷാപ്രവർത്തനങ്ങള്‍ക്ക് പിന്തുണയുമായി ബിഎസ്‌എൻഎല്‍. ജില്ലയില്‍ സൗജന്യ മൊബൈല്‍ സേവനങ്ങള്‍ പരിധിയില്ലാതെ തുടരുമെന്ന് ബിഎസ്‌എൻഎല്‍ അറിയിച്ചു. രക്ഷാപ്രവർത്തനങ്ങളുമായി ബന്ധപ്പെട്ട ആശയവിനിമയത്തിന് തടസ്സമുണ്ടാകാതിരിക്കാനാണ് ബിഎസ്‌എൻഎല്ലിന്റെ തീരുമാനം.
അടുത്ത മൂന്ന് ദിവസത്തേയ്ക്ക് ആയിരിക്കും സൗജന്യ സേവനം. പരിധിയില്ലാത്ത ഇന്റർനെറ്റും കോളുകളുമാണ് ബിഎസ്‌എൻഎല്‍ ജില്ലയിലെ ഉപഭോക്താക്കള്‍ക്കായി നല്‍കുന്നത്. ഇതിന് പുറമേ സമാന സേവനങ്ങള്‍ നിലമ്പൂർ താലൂക്കിലും ലഭിക്കും. ചാലിയാർ പുഴ വഴി മൃതദേഹങ്ങളും മൃതദേഹ ഭാഗങ്ങളും ഒഴുകിയെത്തുന്ന പശ്ചാത്തലത്തിലാണ് ബിഎസ്‌എൻഎല്‍ താലൂക്കിലും സൗജന്യ സേവനം ലഭ്യമാക്കാൻ തീരുമാനിച്ചത്.
ചൂരല്‍മലയിലും മുണ്ടക്കൈയിലും സൗജന്യകണക്ഷനും ബിഎസ്‌എൻഎല്‍ നല്‍കുന്നുണ്ട്. ചൂരല്‍മലയില്‍ ആകെ ഒരു മൊബൈല്‍ ടവർ മാത്രമാണ് ഉള്ളത്. അത് ബിഎസ്‌എൻഎല്ലിന്റേത് ആണ്. ഇവിടെയും മേപ്പാടിയിലും 4 ജി സേവനമാണ് ബിഎസ്‌എൻഎല്‍ സാദ്ധ്യമാക്കുന്നത്. ആരോഗ്യ വകുപ്പിന് പ്രത്യേക ടോള്‍ ഫ്രീ നമ്പറും ജില്ലാ ആസ്ഥാനത്തേക്ക് അതിവേഗ ഇന്റർനെറ്റ് കണക്ഷനുകളും മൊബൈല്‍ സേവനവും ബിഎസ്‌എൻഎല്‍ ഒരുക്കിയിട്ടുണ്ട്.
ദുരിതാശ്വാസ കോഓർഡിനേറ്റർമാർക്കായി അതിവേഗ ഇന്റർനെറ്റും ലഭ്യമാക്കിയതായി അധികൃതർ പറഞ്ഞു. ബിഎസ്‌എൻഎല്ലിന് പുറമേ ദുരിതാശ്വാസ പ്രവർത്തനങ്ങള്‍ക്ക് സഹായവുമായി എയർടെലും സൗജന്യ മൊബൈല്‍ ഇന്റർനെറ്റ് സേവനങ്ങള്‍ ലഭ്യമാക്കിയിട്ടുണ്ട്. മൂന്ന് ദിവസത്തേയ്ക്ക് പരിധിയില്ലാത്ത കോള്‍, ഇന്റർനെറ്റ്, എസ്‌എംഎസ് എന്നിവയാണ് ലഭ്യമാക്കുന്നത്.
TAGS : WAYANAD LANDSLIDE | BSNL
SUMMARY : BSNL has provided free service for three days in Wayanad
ആധാർ പുതുക്കാനും തിരുത്താനുമുള്ള നിരക്ക് പരിഷ്കരിച്ച് യുണീക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) ഉത്തരവിറങ്ങി. ആധാറിലെ പേര്, ജനനത്തീയതി,…
മലപ്പുറം: തിരൂരില്‍ സ്വകാര്യ ബസുകള്‍ക്കിടയിൽപ്പെട്ട് കൈയ്ക്ക് പരുക്കേറ്റ എട്ടാം ക്ലാസ് വിദ്യാർഥിയുടെ വിരല്‍ അറ്റു. പറവണ്ണ മുറിവഴിക്കലിൽ കഴിഞ്ഞ ദിവസമാണ്…
ബെംഗളൂരു: വിമാനത്തിന്റെ ശൗചാലയമെന്ന് കരുതി കോക്പിറ്റില്‍ പ്രവേശിക്കാന്‍ ശ്രമിച്ച യാത്രക്കാരന്‍ അറസ്റ്റില്‍. ഇന്ന് രാവിലെ എട്ടുമണിക്ക് ബെംഗളൂരുവിൽ നിന്ന് പുറപ്പെട്ട്…
ബെംഗളൂരു: പൂജാ അവധി, ശബരിമല തീർഥാടനം എന്നിവയുമായി ബന്ധപ്പെട്ട യാത്രാ തിരക്ക് പരിഗണിച്ച് ഹുബ്ബള്ളിയില്‍ നിന്ന് ബെംഗളൂരു വഴി കൊല്ലത്തേക്ക്…
ബെംഗളൂരു: മൈസൂരു ദസറയ്ക്ക് തുടക്കം. എഴുത്തുകാരിയും ബുക്കർ പുരസ്കാര ജേതാവുമായ ബാനു മുഷ്താഖ് ദസറ ഉദ്ഘാടനം ചെയ്തു. മൈസൂരിലെ ആരാധനാദേവതയായ…
ന്യൂഡൽഹി: ഡല്‍ഹി കലാപ ഗൂഢാലോചന കേസില്‍ വിദ്യാർഥി നേതാവ് ഉമർ ഖാലിദ് അടക്കമുള്ളവരുടെ ജാമ്യ ഹർജിയില്‍ സുപ്രീംകോടതി ഡല്‍ഹി പോലീസിന്…