മലപ്പുറത്ത് കാര്‍ ഡിവൈഡറില്‍ ഇടിച്ച്‌ മറിഞ്ഞ് അപകടം; അഞ്ചുപേർക്ക് പരുക്ക്

മലപ്പുറം: പുത്തനത്താണി ചുങ്കത്ത് കാർ ഡിവൈഡറില്‍ തട്ടി മറിഞ്ഞുണ്ടായ അപകടത്തില്‍ അഞ്ചുപേർക്ക് പരുക്ക്. വിദ്യാർഥികളായ ദില്‍ന ഫാത്തിമ (21), ഹുദ ഫാത്തിമ (21), നിഷ (21), റസല്‍ (21), അഫ്‌സല്‍ (21) എന്നിവർക്കാണ് പരുക്കേറ്റത്. ആറുവരിപ്പാതയില്‍ ഇന്നു രാവിലെ എട്ടോടെയാണ് സംഭവം.

വളാഞ്ചേരി പുറമണ്ണൂർ മജ്‌ലിസ് കോളജിലെ വിദ്യാർഥികളായ ഇവർ പഠനത്തിന്‍റെ ഭാഗമായി കോഴിക്കോട്ടേക്ക് പ്രോജക്‌ട് വർക്കിന് പോകുമ്പോഴാണ് അപകടത്തില്‍പ്പെട്ടത്. വിദ്യാർഥികളെ പരുക്കുകളോടെ കോട്ടയ്ക്കലിലെ സ്വകാര്യ ആശുപത്രിയില്‍ പ്രവേശിപ്പിച്ചു.

SUMMARY: Car crashes into divider in Malappuram; five injured