വ്യാജ സൈറ്റ് പ്ലാൻ നൽകി അനധികൃത കെട്ടിട നിർമാണം; മൂന്ന് പേർക്കെതിരെ കേസ്

ബെംഗളൂരു: വ്യാജ സൈറ്റ് പ്ലാൻ നൽകി അനധികൃതമായി കെട്ടിടം നിർമിച്ച മൂന്ന് പേർക്കെതിരെ കേസ്. രാജരാജേശ്വരി നഗറിലാണ് സംഭവം. ബിബിഎംപി നൽകിയ പ്ലാനിന് പകരം വ്യാജ പ്ലാനുകൾ സൃഷ്ടിച്ച് കെട്ടിടങ്ങൾ നിർമ്മിച്ചതിനും 20 അനധികൃത യൂണിറ്റുകൾ ചേർത്തതിനുമാണ് സ്ഥല ഉടമ, ഡെവലപ്പർ, ആർക്കിടെക്റ്റ് എന്നിവർക്കെതിരെ കേസെടുത്തത്.

സ്ഥലം ഉടമ ജി. ലക്ഷ്മി പ്രസാദ്, ലക്‌വിൻ ഡവലപ്പേഴ്‌സ് എംഡി ഹർദീപ്, എ.വിജയകുമാർ എന്നിവർക്കെതിരെയാണ് നടപടിയെന്ന് രാജരാജേശ്വരി നഗർ സോണൽ കമ്മീഷണർ ബി. സി. സതീഷ് പറഞ്ഞു. സോണൽ ചട്ടങ്ങൾ അനുസരിച്ച് കെട്ടിടത്തിന് രണ്ട് നില മാത്രമേ അനുവദിച്ചിരുന്നുള്ളു. എന്നാൽ ഇത് ലംഘിച്ച് 20 അധിക നിലകളാണ് കെട്ടിടത്തിൽ പണികഴിപ്പിച്ചത്. വ്യാജ പ്ലാൻ കാണിച്ചാണ് ഇത്തരമൊരു തട്ടിപ്പ് നടന്നതെന്ന് സോണൽ കമ്മീഷണർ പറഞ്ഞു.

പ്ലാൻ ലംഘിച്ച് കെട്ടിടം നിർമിച്ചത് കോർപറേഷൻ നിയമത്തിന് വിരുദ്ധമാണ്. സംഭവത്തിൽ കെട്ടിടം ഉടമയ്ക്ക് നോട്ടീസ് നൽകിയിരുന്നു. എന്നാൽ ഇതിനോട് പ്രതികരിക്കാതിരുന്നതോടെ മൂവർക്കുമെതിരെ കേസെടുക്കുകയായിരുന്നു.

TAGS: BENGALURU | BBMP
SUMMARY: FIR against land owner, developer over fake plan in Bengaluru