കൊച്ചി: ഇഡി ഉദ്യോഗസ്ഥരെ ആക്രമിച്ച കേസില്‍ പൊതുതാല്പര്യ ഹർജി തീർപ്പാക്കി ഹൈക്കോടതി. പോലീസ് അന്വേഷണത്തില്‍ തൃപ്തി ഉണ്ടെന്ന് അറിയിച്ച കോടതി, സിബിഐ അന്വേഷണം വേണ്ടെന്നും വ്യക്തമാക്കി. അഭിഭാഷകനായ ജോജോ ജോസാണ് ഇഡി ഉദ്യോഗസ്ഥരെ ആക്രമിച്ച സംഭവത്തില്‍ സിബിഐ അന്വേഷണം വേണമെന്ന് ആവശ്യപ്പെട്ട് ഹര്‍ജി നല്‍കിയത്.
ഉദ്യോഗസ്ഥർക്ക് മതിയായ സുരക്ഷ നല്‍കുന്നതില്‍ പൊലീസ് പരാജയപ്പെട്ടെന്നായിരുന്നു ഹർജിക്കാരന്‍റെ വാദം. സംഭവം ആക്രമണമാണെന്നും വലിയ ഗൂഢാലോചനയുണ്ടെന്നും പോലീസ് അന്വേഷിച്ചാല്‍ സത്യം പുറത്ത് വരില്ലെന്നും ഹ‍ർജിക്കാരൻ പറഞ്ഞു. എന്നാല്‍ ഉദ്യോഗസ്ഥരെ ആക്രമിച്ച സംഭവത്തില്‍ 25 പേരെ അറസ്റ്റ് ചെയ്തെന്നും അന്വേഷണം പുരോഗമിക്കുകയാണെന്നും പോലീസ് കോടതിയെ അറിയിച്ചു.
SUMMARY: Case regarding the attack on ED officials: High Court dismisses plea seeking CBI probe
