റായ്പൂർ: ഛത്തീസ്ഗഢിലെ ബീജാപ്പൂരിൽ ഏറ്റുമുട്ടലിനിടെ 31 മാവോയിസ്റ്റുകളെ സുരക്ഷാസേന വധിച്ചു. രണ്ട് സുരക്ഷാ ഉദ്യോഗസ്ഥർക്ക് വീരമൃത്യു. രണ്ട് സേനാംഗങ്ങൾക്ക് പരുക്കേറ്റു. ഇവരുടെ നില ഗുരുതരമല്ല. ഇവരെ ആശുപത്രിയിലേക്ക് മാറ്റി. ഇന്നലെ പുലർച്ചെ ബീജാപുരിലെ ഇന്ദ്രാവതി നാഷണൽ പാർക്കിലെ ഉൾവനത്തിലായിരുന്നു ഏറ്റുമുട്ടൽ. വന്‍ ആയുധശേഖരം പിടിച്ചെടുത്തതായും സുരക്ഷാസേന അറിയിച്ചു.
ഇന്ദ്രാവതി നാഷണല്‍ പാര്‍ക്കിലെ വനത്തിനുള്ളിലാണ് ഏറ്റുമുട്ടലുണ്ടായത്. സുരക്ഷാസേന തിരച്ചില്‍ നടത്തുന്നതിനിടെയാണ് വെടിവെപ്പുണ്ടായതെന്ന് ബസ്തര്‍ റേഞ്ച് ഐ.ജി. പി. സുന്ദര്‍രാജ് പറഞ്ഞു. 31 മാവോവാദികളുടെ മൃതദേഹവും എ.കെ.-47, ഇന്‍സാസ് റൈഫിള്‍, സ്‌ഫോടകവസ്തുക്കള്‍ എന്നിവയടക്കം വന്‍ ആയുധശേഖരവും കണ്ടെത്തി. കൂടുതല്‍ ജവാന്മാരെ വിന്യസിച്ചതായും ഏറ്റുമുട്ടല്‍ തുടരുകയാണെന്നും ഐ.ജി. അറിയിച്ചു.
<BR>
TAGS : MAOIST ENCOUNTER | CHATTISGARH
SUMMARY : Chhattisgarh clash; 31 Maoists killed, 2 security personnel martyred
