ബെംഗളൂരു: ബെംഗളൂരു ചിത്രസന്തേയ്ക്ക് ചിത്രപ്രദർശനത്തിന് ജനുവരി അഞ്ച് മുതൽ തുടക്കമാകും. കുമാരകൃപ റോഡിലെ കർണാടക ചിത്രകലാ പരിഷത്തിലാണ് ചിത്രസന്തേ നടക്കുന്നത്. പെൺകുട്ടികൾ നേരിടുന്ന വെല്ലുവിളികളെയും അതിക്രമങ്ങളെയും കുറിച്ചുള്ള അവബോധമാണ് ഇത്തവണത്തെ ആശയം. 20 സംസ്ഥാനങ്ങളിൽ നിന്നായി 1500 കലാകാരന്മാർ പരിപാടിയിൽ പങ്കെടുക്കും. ജനുവരി നാലിന് സംസ്ഥാനത്തെ മുതിർന്ന കലാകാരന്മാർക്ക് ചിത്ര സമ്മാന് പുരസ്കാരം നൽകുമെന്ന് ചിത്രകലാ പരിഷത്ത് പ്രസിഡൻ്റ് ബി.എൽ.ശങ്കർ പറഞ്ഞു.
വികലാംഗർക്കും പ്രത്യേക കഴിവുള്ള കലാകാരന്മാർക്കും പ്രത്യേക സ്റ്റാളുകൾ നൽകും. ആർട്ടിസ്റ്റ് രജിസ്ട്രേഷൻ, രജിസ്ട്രേഷൻ പേയ്മെൻ്റ്, സ്റ്റാൾ അലോക്കേഷൻ പ്രവർത്തനങ്ങൾ എന്നിവ ഓട്ടോമേറ്റ് ചെയ്യുന്നതിന് പുതിയ വെബ്സൈറ്റ് ആരംഭിച്ചു. സന്ദർശകരുടെ സൗകര്യത്തിനായി മൊബൈൽ എടിഎം സൗകര്യം, ഫുഡ് കോർട്ട്, മെഡിക്കൽ സെന്റർ, ആംബുലൻസ് സൗകര്യങ്ങൾ, ഫീഡർ ബസ് സർവീസ് എന്നിവ ക്രമീകരിക്കുമെന്ന് ശങ്കർ പറഞ്ഞു. പ്രൊഫഷണൽ ആർട്ടിസ്റ്റുകൾ, ഹോബി ആർട്ടിസ്റ്റുകൾ, മുതിർന്ന പൗരൻമാരായ കലാകാരന്മാർ, പ്രത്യേക കഴിവുള്ള കലാകാരന്മാർ എന്നിവർക്ക് പരിപാടിയിൽ പങ്കെടുക്കാമെന്നും അദ്ദേഹം കൂട്ടിച്ചേർത്തു.
വിൻഡ്സർ മാനർ ഹോട്ടൽ മുതൽ ശിവാനന്ദ സർക്കിൾ വരെയും ക്രസൻ്റ് റോഡിൻ്റെ പകുതി ഭാഗം വരെയും സ്റ്റാളുകൾ വ്യാപിപ്പിക്കും. മുതിർന്ന പൗരൻമാരായ കലാകാരന്മാർക്ക് മാത്രമായി സേവാദൾ ഗ്രൗണ്ടിൽ കൂടുതൽ സ്റ്റാളുകൾ ഒരുക്കും. സുരക്ഷാ ആവശ്യങ്ങൾക്കായി സിസിടിവി കാമറകൾ സ്ഥാപിക്കുമെന്നും അദ്ദേഹം പറഞ്ഞു.
TAGS: BENGALURU | CHITRA SANTHE
SUMMARY: Bengaluru chitra sante to get start by next January
ബെംഗളൂരു: ബാംഗ്ലൂർ കേരളസമാജം യലഹങ്ക സോണും വിശ്വേശ്വരയ്യ മ്യൂസിയവും സംയുക്തമായി യലഹങ്ക വിനായക പബ്ലിക് സ്കൂളിൽ “സയൻസിലൂടെ ഒരു യാത്ര”…
ബെംഗളൂരു: ക്രിസ്മസ്, പുതുവത്സര അവധി പ്രമാണിച്ച് പാലക്കാട്, കോഴിക്കോട്, മംഗലാപുരം വഴി ഹരിദ്വാറിലേക്ക് സ്പെഷ്യല് ട്രെയിൻ ഏർപ്പെടുത്തി ദക്ഷിണ റെയിൽവേ.…
തിരുവനന്തപുരം: വാമനപുരത്ത് മന്ത്രി സജി ചെറിയാന് വാഹനം അപകടത്തില്പ്പെട്ടു. വാഹനത്തിന്റെ ടയര് ഊരി തെറിക്കുകയായിരുന്നു. മന്ത്രിയും സംഘവും രക്ഷപ്പെട്ടത് തലനാരിഴയ്ക്ക്.…
കോഴിക്കോട്: കോഴിക്കോട് കോര്പ്പറേഷനില് സിപിഎമ്മിന്റെ ഒ സദാശിവന് മേയറായേക്കും. തടമ്പാട്ടുത്താഴം വാര്ഡില് നിന്നാണ് ഒ സദാശിവന് മത്സരിച്ച് ജയിച്ചത്. ഇക്കാര്യത്തില്…
കൊച്ചി: കർമ്മയോദ്ധ സിനിമയുടെ തിരക്കഥ മേജർ രവിയുടേത് അല്ലെന്ന് കോടതിയുടെ കണ്ടെത്തല്. കർമ്മയോദ്ധയുടെ തിരക്കഥ പുതുപ്പള്ളി സ്വദേശിയും തിരക്കഥാകൃത്തുമായ റെജി…
തിരുവനന്തപുരം: ശബരിമല സ്വർണക്കൊള്ള കേസില് വീണ്ടും അറസ്റ്റ്. മുൻ എഒ ശ്രീകുമാറിനെയാണ് പ്രത്യേക അന്വേഷണ സംഘം അറസ്റ്റ് ചെയ്തത്. ശ്രീകുമാറിന്റെ…