ക്രിസ് കൈരളി അസോസിയേഷന്‍ ഓണാഘോഷം

ബെംഗളൂരു: നോർത്ത് ബെംഗളൂരുവിലെ ശോഭ ക്രിസാന്തമം അപാർട്ട്മെൻ്റിലെ മലയാളി കൂട്ടായ്മയായ ക്രിസ് കൈരളി അസോസിയേഷൻ്റെ നേതൃത്വത്തിൽ രണ്ട് ദിവസം നീണ്ട ഓണാഘോഷ പരിപാടികള്‍ സംഘടിപ്പിച്ചു.

13 ന് രാവിലെ ശിങ്കാരിമേളത്തോടെയാണ് ആഘോഷങ്ങൾക്ക് തുടക്കമായത്. തുടർന്ന് 75 -ലധികം സ്ത്രീകൾ പങ്കെടുത്ത മെഗാ തിരുവാതിരയും അരങ്ങേറി. വൈകിട്ട് നടന്ന പൊതുപരിപാടിയിൽ കർണാടക റവന്യൂ മന്ത്രിയും ബ്യാതരായണപുര എംഎല്‍എമായ കൃഷ്ണ ബൈരഗൗഡയുടെ പത്നി മീനാക്ഷി ശേഷാദ്രി മുഖ്യാതിഥിയായിയിരുന്നു.

ഓണം സുവനീറായ ‘സ്പന്ദന’ത്തിന്റെ പ്രകാശനവും ‘പ്രേരണ’ പുരസ്കാരങ്ങളുടെ വിതരണവും മീനാക്ഷി ശേഷാദ്രി നിർവഹിച്ചു. തുടർന്ന് കണ്ണൂർ സൗപർണിക കലാവേദി അവതരിപ്പിച്ചവ ഉൾപ്പെടെ വിവിധ കലാപരിപാടികൾ അരങ്ങേറി. 14 ന് അപാർട്ട്മെന്റ് അംഗങ്ങള്‍ പങ്കെടുത്ത വിവിധ ഓണക്കളികളും വിഭവസമൃദ്ധമായ സദ്യയും ഉണ്ടായിരുന്നു.

🟥 ചിത്രങ്ങള്‍

SUMMARY: Chris Kairali Association Onam Celebration