ബെംഗളൂരു: സ്പീഡ് ബ്രേക്കറിൽ തട്ടി നിയന്ത്രണം വിട്ട ബൈക്ക് മറിഞ്ഞ് കോളേജ് വിദ്യാർഥിനി മരിച്ചു. ഹാസനിലെ ഇൻഡസ്ട്രിയൽ ഏരിയയിൽ ഞായറാഴ്ച വൈകീട്ടാണ് അപകടം. സ്വകാര്യകോളേജിലെ എം.സി.എ. വിദ്യാർഥിനിയായ പ്രിയ (22) ആണ് മരിച്ചത്. സുഹൃത്ത് സ്വാതി (24)യെ പരുക്കുകളോടെ ബെംഗളൂരുവിലെ ആശുപത്രിയില് പ്രവേശിപ്പിച്ചു.
ഹനുമന്തപുരയിലെ ഒരു പരിപാടിയില് പങ്കെടുക്കാന് റോയൽ എൻഫൈഡ് മെറ്റിയർ മോട്ടോർ സൈക്കിളിൽ ഇരുവരും പോകുമ്പോഴായിരുന്നു അപകടം. ഇരുവരും ഹെൽമെറ്റ് ധരിച്ചിരുന്നില്ല. ബ്രേക്കറിൽ തട്ടി ബൈക്കിന്റെ നിയന്ത്രണം നഷ്ടപ്പെട്ടു മറിയുകയായിരുന്നു. ഗുരുതരമായി പരുക്കേറ്റ ഇരുവരേയും നാട്ടുകാർ സ്വകാര്യ ആശുപത്രിയിൽ എത്തിച്ചെങ്കിലും പ്രിയയെ രക്ഷപ്പെടുത്താനായില്ല.
SUMMARY: College student died after her bike overturned after hitting a speed breaker; A friend is injured
