ബെംഗളൂരു: ഹെബ്ബാൾ മേൽപ്പാലത്തിലെ നിർമാണ പ്രവൃത്തികൾ ഈ വർഷം ഏപ്രിലിൽ പൂർത്തിയാകും. മെയ് അവസാനത്തോടെ പൊതുജനങ്ങൾക്കായി മേൽപ്പാലം തുറന്നുകൊടുക്കാനാണ് ആലോചിക്കുന്നതെന്ന് ഉപമുഖ്യമന്ത്രിയും ബെംഗളൂരു വികസന മന്ത്രിയുമായ ഡി.കെ. ശിവകുമാർ പറഞ്ഞു.
ഒന്നിലധികം സിവിൽ ഏജൻസികളുടെ മേധാവികൾക്കൊപ്പം ഫ്ലൈഓവർ പരിശോധിച്ച ശേഷം സംസാരിക്കുകയായിരുന്നു അദ്ദേഹം. ഗൊരുഗുണ്ടേപാളയത്തിൽ നിന്ന് കെ.ആർ. പുരം വരെയുള്ള ഔട്ടർ റിംഗ് റോഡിൽ (ഒആർആർ) പുതിയ അണ്ടർപാസിന് സർക്കാർ അംഗീകാരം നൽകിയിട്ടുണ്ടെന്നും അദ്ദേഹം പറഞ്ഞു.
ഹെബ്ബാൾ ഫ്ലൈഓവറും അണ്ടർപാസും ഈ ജംഗ്ഷനിലെ ഗതാഗതം സുഗമമാക്കും. ഗൊരുഗുണ്ടേപാളയ, സുമനഹള്ളി, നയന്ദഹള്ളി ജംഗ്ഷനുകൾ ഉൾപ്പെടുത്തി തുരങ്ക പാത, അണ്ടർപാസുകൾ, ഫ്ലൈ ഓവറുകൾ എന്നിവ നിർമ്മിക്കാനാണ് സർക്കാർ പദ്ധതിയിടുന്നത്. ബിഎംആർസിഎൽ, ബിബിഎംപി എന്നിവ ഇതിനായി സഹകരിച്ച് പ്രവർത്തിക്കേണ്ടതുണ്ട്. നഗരത്തിൽ അടുത്ത അഞ്ച് വർഷത്തിനുള്ളിൽ അടിസ്ഥാന വികസനം മെച്ചപ്പെടുത്തുകയാണ് ലക്ഷ്യമെന്നും അദ്ദേഹം കൂട്ടിച്ചേർത്തു.
TAGS: HEBBAL FLYOVER
SUMMARY: Hebbal flyover work will be completed by april, says DKS
