ബെംഗളൂരു: ബെംഗളൂരുവിൽ ദമ്പതികളെ മർദിച്ചെന്ന പരാതിയിൽ ഡോക്ടറെ ബെംഗളൂരു പോലീസ് അറസ്റ്റ് ചെയ്തു. ദമ്പതികൾ ബംഗ്ലാദേശ് സ്വദേശികളാണെന്ന് ആരോപിച്ചുണ്ടായ തർക്കമാണ് ആക്രമണത്തിലേക്ക് നയിച്ചതെന്നാണ് പ്രാഥമിക വിവരം. ബെല്ലന്ദൂർ ബെട്ടദാസപുരയില് ക്ലിനിക്ക് നടത്തുന്ന ഡോ. നാഗേന്ദ്രപ്പ ആണ് അറസ്റ്റിലായത്.
നഗരത്തില് ഡ്രൈവറായി ജിലിചെയ്യുന്ന മുഹമ്മദ് ബിലാല്, നസ്രീന ബിലാൽ എന്നിവരെയാണ് മർദിച്ചത്. സംഭവത്തിന്റെ വീഡിയോ സമൂഹമാധ്യമങ്ങളിൽ പ്രചരിച്ചിരുന്നു. വീഡിയോയിൽ ഡോക്ടർ ദമ്പതികളെ ബംഗ്ലാദേശ് സ്വദേശികളാണെന്ന് ആരോപിക്കുകയും ഭര്ത്താവിനെ മർദിക്കുകയും ചെയ്യുന്ന ദൃശ്യങ്ങൾ കാണാം. നസ്രീനയുടെ പരാതിയിൽ കേസെടുത്ത ബെല്ലന്ദൂർ പോലീസ് ആണ് ഡോക്ടറെ അറസ്റ്റ് ചെയ്തത്. വസ്തുതകള് പരിശോധിച്ചുവരികയാണെന്നും, ആരുടേയും പൗരത്വത്തെക്കുറിച്ചുള്ള അവകാശവാദങ്ങൾ അന്വേഷണത്തിലൂടെ മാത്രമേ സ്ഥിരീകരിക്കാനാകൂവെന്നും ബെംഗളൂരു പോലീസ് അറിയിച്ചു.
SUMMARY: Couple beaten up for allegedly being Bangladeshi; Doctor arrested
