കാർ ട്രക്കുമായി കൂട്ടിയിടിച്ച് അപകടം; രണ്ട് പേർ മരിച്ചു

ബെംഗളൂരു: കാർ ട്രക്കുമായി കൂട്ടിയിടിച്ചുണ്ടായ അപകടത്തിൽ ദമ്പതികൾ മരിച്ചു. ഹുബ്ബള്ളി-വിജയപുര ദേശീയ പാത-218 ലാണ് അപകടമുണ്ടായത്. ബാഗൽകോട്ട് സ്വദേശികളായ സിദ്ധരാമു, ഹേമ എന്നിവരാണ് മരിച്ചത്. ഇവരുടെ മക്കളായി മല്ലികാർജുൻ, സഹന എന്നിവർക്ക് പരുക്കേറ്റു.

ഇവരെ നർഗുണ്ട് താലൂക്ക് ആശുപത്രിയിലേക്ക് പ്രവേശിപ്പിച്ചു. ദക്ഷിണ കന്നഡയിലെ കുക്കെ സുബ്രഹ്മണ്യ ക്ഷേത്രത്തിൽ പൂജ കഴിഞ്ഞ് വീട്ടിലേക്ക് മടങ്ങുകയായിരുന്നു കുടുംബം. ഇതിനിടെ ഹുബ്ബള്ളിയിലേക്ക് പോകുകയായിരുന്ന ട്രക്ക് നിയന്ത്രണം വിട്ട് കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ കാറിൻ്റെ മുൻഭാഗം പൂർണമായും തകർന്നു. സംഭവത്തിൽ ഹുബ്ബള്ളി പോലീസ് കേസെടുത്തു.

TAGS: KARNATAKA | ACCIDENT
SUMMARY: Couple die, two children sustain injuries as car collides with truck