ബെംഗളൂരു: സംസ്ഥാനത്തിന് പ്രത്യേക പതാക വേണമെന്ന ആവശ്യം തള്ളി കർണാടക ഹൈക്കോടതി. ഇത്തരത്തിലുള്ള പരാതികൾ കോടതിയുടെ അധികാരപരിധിയിൽ വരുന്നതല്ലെന്ന് കോടതി ചൂണ്ടിക്കാട്ടി. ചീഫ് ജസ്റ്റിസ് എൻ.വി. അഞ്ജാരിയ, ജസ്റ്റിസ് കെ. വി. അരവിന്ദ് എന്നിവരടങ്ങിയ ഡിവിഷൻ ബെഞ്ചിന്റേതാണ് ഉത്തരവ്.
സംസ്ഥാനത്തിന് കന്നഡ ഭാഷയെ ഉൾപ്പെടുത്തികൊണ്ടുള്ള പ്രത്യേക പതാക വേണമെന്ന പൊതുതാല്പര്യ ഹർജിയാണ് കോടതിക്ക് ലഭിച്ചത്. എന്നാൽ ഇത്തരമൊരു വിഷയം പൊതുതാല്പര്യ ഹർജിയിൽ ഉൾപ്പെടുന്നതല്ലെന്ന് കോടതി നിരീക്ഷിച്ചു.
സംസ്ഥാന പതാകയുടെ സാധ്യത പരിശോധിക്കാൻ പ്രമുഖ എഴുത്തുകാരെ ഉൾപ്പെടുത്തി സംസ്ഥാന സർക്കാർ നേരത്തെ വിദഗ്ധ സമിതി രൂപീകരിച്ചിരുന്നു. എന്നാൽ പിന്നീട് ഇത് സംബന്ധിച്ച് തീരുമാനമൊന്നും അന്തിമമാക്കിയിരുന്നില്ല. ഇതേതുടർന്നാണ് കന്നഡ അനുകൂല സംഘടന പ്രവർത്തകർ പൊതുതാല്പര്യ ഹർജിയുമായി കോടതിയെ സമീപിച്ചത്.
TAGS: KARNATAKA | FLAG
SUMMARY: Karnataka High Court rejects PIL seeking state flag
